كاررلار

Dent de Crolles-داعى كاررلار (فرانتسىييا)

كاررلار، شراتتار - جالاڭ كارستتى اتىراپتارعا ٴتان كارستى بەدەردىڭ ۇساق بەتكى پىشىندەرى.

ۇشكىر قىرلى قىرقالارمەن بولىنگەن، قاتار-قاتار نەمەسە لابىيرىينت ٴتارىزدى تىك قابىرعالى اتىزدار تۇرىندە (تەرەڭدىگى بىرنەشە سم-دەن ۱—۲ م-گە دەيىن) ورنالاسادى. اكتاستاردىڭ جانە باسقا تاۋ جىنىستارىنىڭ بەتىن اتموسفەرالىق، سىيرەگىرەك تەڭىز بەن وزەن سۋلارىنىڭ ەرىتۋى ناتىيجەسىندە پايدا بولادى. كاررلاردى

• جارىقتىق،
• اتىزدىق،
• ناۋالىق،
• قابىرعالىق،
• قۋىستىق، ت.ب. دەپ بىرنەشە تىيپكە اجىراتادى. ۇلكەن الاڭدى الىپ جاتقان كاررلار كاررلىق ٴورىس تۇزەدى.

الدىمەن اكتاس ٴماسسىيۆىنىڭ بەتىندە تەرەڭ اتىزدار پايدا بولادى. كارردىڭ جارالۋى اتموسفەرالىق سۋمەن بايلانىستى. كومىر جىقپىلىنا بايىعان سۋ جارىقشاقتارعا ەنىپ، ولاردىڭ شەتتەرىن ەرىتىپ، بىرتىندەپ شاعىن تەسىكتەر مەن شايىلىمدار جارالادى. سۋدىڭ باعىتتالعان اعىسى پايدا بولىسىمەن، شايىلىمدار مەن تەسىكتەردە اكتاستىڭ شايمالانۋ پروتسەستەرى كۇشەيەدى. ناتىيجەسىندە تار قىرقالارمەن بولىنگەن اتىزدار مەن ناۋاشالار جۇيەسى قالىپتاسادى