اسكەرىي ٴىس

اسكەرىي ٴىس — مەملەكەتتىڭ قارۋلى كۇشتەرىنىڭ ارەكەتتەرى، دايىندىعى جانە قۇرىلىمدارىمەن بايلانىسقان تەورەتىيكالىق ٴحام پراكتىيكالىق سۇراقتاردى قامتىيتىن جالپى جىيناقى تەرمىين.

اسكەرىي-ىينجەنەرلىك ىس

اسكەرىي-ىينجەنەرلىك ٴىس — سوعىس قىيمىلدارىن جۇرگىزۋگە جانە ۇرىس ارەكەتتەرىنە قولايلى جاعداي جاساۋعا قاجەتتى ىينجەنەرلىك جۇمىستاردىڭ تەورىيياسى مەن پراكتىيكاسىن زەرتتەيتىن اسكەرىي عىلىمنىڭ ٴبىر سالاسى. ول ارناۋلى اسكەرلەردىڭ ماڭىزدى ىينجەنەرلىك شارالاردى جۇزەگە اسىرۋىنا باسقا اسكەر تۇرلەرىنىڭ قاتىسۋ دارەجەسىن انىكتايدى. اسكەرىي-ىينجەنەرلىك ٴىس جەرگىلىكتى جەردى ىينجەنەرلىك بارلاۋ (تازارتۋ)، اسكەرلەر مەن وبيەكتىلەردى جاسىرۋ، دالالىق قورعانىس قۇرىلىستارىن، توسقاۋىل، وتكەل، كوپىرلەر سالۋ، جول جوندەۋ، اسكەرلەردى سۋمەن جابدىقتاۋ، ت.ب. ماسەلەلەرمەن اينالىساتىن اسكەرلەردىڭ نەگىزگى جۇمىس ٴادىس-تاسىلدەرىن جەتىلدىرەدى. اسكەرىي-ىينجەنەرلىك شارالاردى بارلىق اسكەر تۇرلەرى جۇزەگە اسىرادى.

اسكەرىي ىستەگى تەلەدىيدار

اسكەرىي ىستەگى تەلەدىيدار — اسكەرىي ماقساتتارعا تەلەدىيدار قولدانۋ: بارلاۋ، باقىلاۋ، اسكەردى باسقارۋ، راكەتانى نىساناعا (وبيەكتىگە) باعىتتاۋ، ناۆىيگاتسىييالىق مىندەتتەردى ورىنداۋ، مەتەورولوگىييالىق جاعدايدى زەرتتەۋ جانە باسقا مىندەتتەردى ورىنداۋ. اسكەرىي ىستەگى تەلەدىيدار كوزبەن كورۋ مەن باقىلاۋدى، قاشىقتان ٴار ٴتۇرلى بەينەلەردى، قۇجاتتاردى، فوتوسۋرەتتەردى بەرۋدى قامتاماسىز ەتەدى، ارتىيللەرىييالىق اتىستى رەتتەيدى، ۇشقىشسىز باسقارىلاتىن وبيەكتىلەردىڭ ۇشۋىن باقىلايدى، باسقا دا مىندەتتەردى ورىندايدى.

اسكەرىي ىستەگى رەۆوليۋتسىييا

اسكەرىي ىستەگى رەۆوليۋتسىييا — قارۋلى كۇرەس قۇرالدارىنداعى، ۇرىس ارەكەتتەرىن جۇرگىزۋ تاسىلدەرىندەگى، اسكەردى ۇيىمداستىرۋداعى، ونى وقىتىپ-ۇيرەتۋ مەن تاربىييەلەۋدەگى سوڭعى جىلدارى ونەركاسىبى مەن عىلىمى نەعۇرلىم دامىعان ەلدەردە، اسىرەسە راكەتالىق-يادرولىق قارۋ جاساۋعا بايلانىستى بولعان ٴتۇبىرلى، ساپالى وزگەرىستەردىڭ بارلىق جىيىنتىعى. اسكەرىي ىستەگى رەۆوليۋتسىييا بارلىق نەگىزگى سالالاردى قامتىيدى. سونىمەن قاتار اسكەردى ۇيىمداستىرۋ، بارلىق اۋقىمداگى قارۋلى كۇرەس تاسىلدەرى، باسقارۋدىڭ اۆتوماتتاندىرىلعان جۇيەسىن قۇرۋ (ونىڭ نەگىزگى قۇراما بولىكتەرى: ەلەكتروندى ەسەپتەۋىش، رادىيولوكاتسىييالىق جانە رادىيوتەلەدىيدارلىق اپپاراتۋرا) ىستەرىن جەتىلدىرۋ قاتار جۇرەدى. اسكەردى وقىتۋ مەن تاربىييەلەۋ ادىستەرى دە جانا مىندەتتەردى شەشۋگە بەيىمدەلەدى. اسكەرىي ىستەگى رەۆوليۋتسىييا ناتىيجەسىندە ەلدىڭ قارۋلى كۇشتەرى مەن كەيبىر اسكەر تۇرلەرى ٴبىرىنشى كلاستى اسكەرىي تەحنىيكامەن قارۋلانادى.