«Еуразия» ат мүсіні

Уикипедия — ашық энциклопедиясынан алынған мәлімет
Jump to navigation Jump to search

«Еуразия» ат мүсіні - Қазақстан Республикасының Тәуелсіздігінің 20 жылдық мерейтойына тарту ретінде асықтан жасалған аттың мүсіні.

Мүсін авторлары - Нұрлан Әділхан, Нұрлан Әбішев, дизайн және жүзеге асырған - Нұрлан Әбішев, көмекші - Қуаныш Матенов.

Идеяны құптап, қолға алған Нұрлан Әбішев, ақалтеке тұқымдас тұлпардың келісті келбетін асықтан жасап шығарды. Бұл туынды Алматы қаласындағы «Мега», «Прайм» сынды заманауи ойынсауық кешендерінде қойылды.

«Еуразия» ат мүсінінің ұзындығы 2 м 75 см, ені 58 см, биіктігі 1 м 95 см, жалпы салмағы 260 кг-ды құрайды.

Ат мүсінін жасау үшін Қазақстанның түкпір-түкпірінен 9 мыңға жуық асық жиналған. Мүсінді жасау барысында ондағы асықтардың барлығының алшысынан түсуіне көңіл аударылған.