Іздеудің биохимиялық әдісі

Іздеудің биохимиялық әдісі. Пайдалы қазбаларды геохимиялық тұрғыдан іздеу әдістерінің бірі; элементтер таралуының биохимиялық жатындарын анықтауға негізделген. Сөз болған мақсаттағы жүзеге асыру жолында төмендегі шаралар рет-ретімен іске асырылады:

1. өсімдіктердің әр түрлі бөліктері сынамалар ретінде алынады;
2. алынған сынамалар отқа жағылып, күлге айналдырылады;
3. күлдер жан-жақты талдаудан өткізіледі (спектр көмегімен, химиялық тұрғыдан, колориметрлік тәсілмен, т.с.с.);
4. талдау нәтижелеріне сәйкес, нақты элемент мөлшерінің қалыптан ауытқу, яки кларктан артық аймақтары белгіленіп алынады.