Абайдың жүз жылдық мерекесі алдында (мақала)

Уикипедия — ашық энциклопедиясынан алынған мәлімет
Jump to navigation Jump to search

«Абайдың жүз жылдық мерекесі алдында», Мұхтар әуезовтың мақаласы.


«Қызыл армия» газетінде 1945 жылы 27 шілдеде жарияланған. Онда Абайдың 100 жылдық мерейтойына әзірлік шаралары туралы баяндалған. Осы мақсатта істеліп жатқан жұмыстарға тоқталып өтеді:

  • Абай шығармаларының академиялық толық жинағы Алматыда тыңнан басылып шыққалы жатқандығы туралы хабардар етіп
  • Оған ақынның бұрын басылмаған бірнеше жаңа өлеңдері де кіретіндігін
  • Осындай үлкен жинақтың орыс тілінде де шығатындығын
  • Мұның өзі Абайды орыс халқына және орыс тілі арқылы басқа халықтарға таныстыруда мәні зор болатындығын
  • Жинақты аудару жұмысын «қазақ әдебиетінің ескі досы» жазушы Леонид Соболев басқаратындығын хабарлайды.

Екінші бір мерекелік кітап ретінде Абайдың өмірі мен еңбектері жөніндегі «ғылымдық тексермелер жинағын» атап, оның жазылуына қазақ пен орыс оқымысты, сыншы, жазушыларының көбі қатынасқандығы баяндалған. Сонымен бірге үкімет тарапынан істелетін үлкен шаралардың ең зоры - Алматыда Абай ескерткішін орнату, өнер саласында да Абай тойына лайықты тартулар жасалмақ, 1944 жылы желтоқсанда Алматы мемлекеттік опера және балет театрында «Абай» атты жаңа опера қойылды, астанада «Абай» атты үлкен «кино-сурет» (кинофильм) шығып, бүкіл одақ бойынша көрсетілді деп, ерекше мақтаныш сезіммен жазады. С. Мұқановтың Абайдың өмірі мен еңбектері туралы ғылыми зерттеу жазып жатқандығын, өзінің «Абай» атты романының бірінші кітабы орыс тілінде Мәскеуде шыққанын хабардар етеді.[1]

Дереккөздер[өңдеу]

  1. Мұхтар Әуезов энциклопедиясы — Алматы, «Атамұра» баспасы, 2011 жыл. ISBN 978-601-282-175-8