Абай термесі

Уикипедия — ашық энциклопедиясынан алынған мәлімет
Навигацияға өту Іздеуге өту

«Абай термесі» - 1916 ж. Орынборда «Дин уә мағишат» баспаханасы шығарған Абай өлеңдерінің жинағы. Ақынның 1909 жылғы жинағынан кейінгі 2-басылым. Бастырушы - ақын Самат Әбішұлы Нұржанов. Кітапқа Абайдың бұрын баспасөзде жарияланбаған «Жазғытұры қылтиған бір жауқазын» (10 жол), «Ата-анаға көз қуаныш» (30 жол), «Құр айқай бақырған» (8 жол), «Білікті сөз өлді» (4 жол), «Күшік асырап ит еттім» (4 жол), «Тайға міндік» (25 жол), «Жарқ етпес қара көңілім не қылса да» (4 жол) өлеңдері енген. Жинақтың беташарына Абайдың бірінші қарасөзін «Сөз басы» деген атпен беріп, кітап соңында Нұржановтың «Ойлы жұртыма» атты толғауы басылған. Жинақ ақын өлеңдерінің текстологиясына көңіл бөліп, қарасөзін жариялауымен тарихи құнды басылым болды. Көлемі - 10 бет.[1]

Дереккөздер[өңдеу | қайнарын өңдеу]

  1. Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9