Абай Құнанбаев (Жазушы баспасынан)

«Абай Құнанбаев» - «Жазушы» баспасынан 1971 ж. орыс тілінде жарық көрген танымдық бағыттағы кітапша. Онда Абайдың балалық, жастық шақтарына, өскен ортасына, ақындық мұраларына, қоғамдық, ағартушылық қызметтеріне шолу жасалған. Ақынның философиялық, этикалық, эстетикалық, көзқарастарына тоқталып, шығармашылығының қайнар көздері ашып көрсетілген. Өлеңдерінің көркемдік, жаңашылдық ерекшеліктеріне, терең ой мен бай мазмұнға құрылған идеясына назар аударылған. Абайдың қазақ халқы тарихында, ӀӀӀығыс мәдениетінде өшпес із қалдырған еңбегі сөз болып, орыс жазушыларының туындыларын аударудағы талант күшіне ден қойылған. Кітапшада ақынның Семей қаласындағы республикалық әдеби-мемориалдық музей үйі экспонаттарының, Алматы қаласындағы «Абай ескерткішінің» суреттері берілген. Кітапша туристерге, көпшілік оқырмандарға арналған. Көлемі 0,8 баспа табақ, 5 мың дана болып басылған.