Аболин мұздығы
| Аболин мұздығы | |
| Сипаттамасы | |
|---|---|
| Түрі | қазаншұңқырдағы мұздық |
| Ауданы | 4,6 км² |
| Ұзындығы | 4,7 км |
| Орналасуы | |
| 44°58′02″ с. е. 79°28′14″ ш. б. / 44.967209° с. е. 79.470555° ш. б. (G) (O) (Я)Координаттар: 44°58′02″ с. е. 79°28′14″ ш. б. / 44.967209° с. е. 79.470555° ш. б. (G) (O) (Я) | |
| Ел |  Қазақстан |
| Аймақ | Жетісу облысы |
Аболин мұздығы — Жетісу (Жоңғар) Алатауының солтүстік беткейінде орналасқан қазаншұңқырдағы мұздық. Бүйен өзенінің жоғары бөлігінде, Орман Бүйен өзенінің бастауында орналасқан. Мұздық 1958 жылы Орта Азияны зерттеуші ғалым Р.И. Аболин есімімен аталды.[1]
Жер бедері, аумағы
[өңдеу | дереккөзін өңдеу]Мұздық солтүстікке қарай созылып жатыр. Климаттың біртіндеп өзгеруіне байланысты мұздық кішірейе келіп, үш бөлікке бөлінді. Ең ірі бөлігінің ұзындығы 4,7 км, ашық жерінің ұзындығы 3,3 км. Жалпы аумағы 4,6 км2. Ашық жерінің аумағы 4,0 км2. Фирн алаңы 1,7 км2, фирн сызығы 3540 м биіктіктен өтеді. Мұздықтың теңіз деңгейінен ең биік жері – Аболин шыңы (4051 м). Мұздық бүйірлік биік моренамен көмкерілген. Оның астыңғы шеті 3100 м-ге дейін түріліп, бастапқы ұзындығынан 40 метрге шегінді. Мұздықтың орташа қалыңдығы 90 м, көлемі 0,36 км3.[2]
Дереккөздер
[өңдеу | дереккөзін өңдеу]- ↑ Қ 18 «Қазақстан». Ұлттық энциклопедия / Бас ред. Ә. Нысанбаев. — Алматы: «Қазақ энциклопедиясы» Бас редакциясы, 1998. — 720 бет. ISBN 5-89800-123-9
- ↑ Жетісу. Энциклопедия. - Алматы: «Арыс» баспасы, 2004. — 712 бет. ISBN 9965-17-134-3