Авиациялық сүйемелдеу

Авиациялық сүиемелдеу — шабуылдаушы әскерлерге үзіліссіз жәрдем көрсету мақсатымен қарсыластың резервтеріне, танктеріне, ракеталық қондырғыларына, артиллериясына және тірек пункттеріне соққы берудегі авиациялық бөлімдердің ұрыс қимылдары; атысты сүйемелдеудің негізгі бөлігі. Ұлы Отан соғысында, әдетте, мұны майдан авиациясы бөлімдері, оның ішінде әуе шабуылдаушылары атқарды. Қазіргі уақытта авиациялық сүйемелдеуге майдандық және армиялық авиация қатыстырылуы мүмкін. Кейбір мемлекеттердің Қарулы Күштерінде "авиациялық сүйемелдеу" деген термин "авиациялық қолдау" және "авиациялық қалқалау" терминдерімен бірдей қарастырылады.