Автокөлік өндірістік бірлестігі

Автокөлік өндірістік бірлестігі - облыстық кәсіпорын. Қалада 1921 жылы губерния жергілікті көлік бөлімшесі, кейін губерния көлік басқармасы құрылды. Оның қарауында 10 автомашина, 2 мотоцикл болды. 1937 жылдың соңында 3 ГАЗ-АА автомобилі қала ішінде жүргіншілерді тасымалдай бастады. Ал 1938 жылы облыстағы ауыл шаруашылық жүктерін тасымалдау үшін Бударин селасында ауданаралық автоколонна ұйымдастырылды. Ол 1939 жылы «Союззаготтрансты» Орал автоотрядына айналды. Сол жылы құрамыңда жүк-жопаушы автобазасы мен жөндеу шеберханалары біріктірілген Батыс Қазақстан облысы автомобиль басқармасы құрылды. Бұл жылдары облыстағы автокөліктер үш мекемеге — облысы басқармаға, «Союзазаготтранстың» Батыс Қазақстан автотресіне және «Сәюзсовхозтрансқа» бағынатын. 1954 жылы облысы басқарма негізінде Орал қаласы мен «Қазақстан» бекетіндегі 2 автобазаны біріктірген Батыс Қазақстан автотресі ұйымдастырылды. 1994 жылы облыстың автокөлік өндірістік бірлестігіне қарасты 17 жүк, 3 жолаушы тасымалдау кәсіпорындары (3000-дай автомашина, олардың ішінде 600 автобус бар) біріктірген демалыс үйі, қосалқы шаруашылығы, балабақшасы, т.б. мекемелері болған.