Адамның ғылымы

Адамның ғылымы. Абай отыз сегізінші сөзінде ғылымды классификациялау принципіне өз қатынасын айқын аңғартады. Абай Алланың ғылымынан (теология) басқаның бәрін де Адамның ғылымына жатқызады. Ал адамның ғылымының пайда болу жолын: «Біз жанымыздан ғылым шығара алмаймыз, жаралып, жасалып қойған нәрселерді сезбекпіз, көзбен көріп, ақылмен біліп...»-деп, қай ғылым саласы болсын, ол табиғат бойындағы объективті заңды құбылыстарды танып білуден тұрады деп білген. Адамның ғылымын Абай заһири ғылым деп, оған барлық жаратылыс пен технология ғылым салаларын және қоғамдық ғылымдар тобын яғни адамтану саласын да жатқызады.