Адам мен жануарлар физиологиясы институты

Уикипедия — ашық энциклопедиясынан алынған мәлімет
Навигацияға өту Іздеуге өту

Адам мен жануарлар физиологиясы институты 1945 жылы КСРО ҒА Қазақ бөлімшесінің физиология секторы негізінде құрылған. Қазіргі уақытта институтта ҰҒА-ның 1 акад., 1 корр. мүшесі, 11 ғылыми доктор, 22 ғылыми кандидаттары қызмет атқарады. Институт қан-лимфа айналысы, ас қорыту және лактация физиологиясы бойынша іргелі зерттеулерді үйлестіретін, ТМД елдеріне танымал бас мекемеге айналды. Омыртқалылардың лимфа жүйесінің шығу тегі мен дамуы туралы жаңа теория ұсынылды, оған сәйкес, бұл жүйе бұрын айтылғандай балықтарда емес, миксиндерде пайда болған. Қан тамырлары тонусының қалыптасу механизмдері, олардың жиырылу белсенділігі, жиырылуындағы Са иондары әр түрлі көздерінің атқаратын рөлі, шала туған нәрестелердің ісіну себептері туралы жаңа мағлұматтар алынды. Қазіргі уақытта ісіктерді жою мен алдын алу туралы ғылыми ұсыныстар жасалған. Тұңғыш рет қан, тіндер мен лимфа арасындағы макромолекулалық алмасу және олардың эритроциттер мембранасына шөккен белок пен глюкоза айырбасына қатысу механизмдері туралы жаңа тұжырымдама ұсынылып, дәлелденді. Институт ғалымдары «Бөбек» қорының президенті С.А.Назарбаеваның ұсынысымен «Балақай» табиғи сауықтыру жүйесін қолданудың ғылыми негіздерін жасады. Қазақстан Республикасы тәуелсіздік алғаннан кейінгі жылдары институт қызметкерлерінің 300-ден астам еңбектері жарық көріп, 7 докт. және 30 канд. дисс. қорғалды. Институт Австралияның (Нью-Кассл университеті), Англияның (Кембридж университеті), Францияның (Безансон университеті), Польшаның (Жануарлардың қоректену физиологиясы институты), Чехияның (Ауыл шаруашылығы жануарлары физиологиясы институты), Ресейдің (Медицина-биологиялық мәселелер ин-ты, Ғарышкерлерді дайындау орт.), Өзбекстанның (Педиатриялық медицина институты), Әзербайжанның (Физиология институты), Қырғызстанның (Биік таулы аймақ институты) және т.б. шет елдердің ғылыми орталықтарымен байланыстар жасайды. Инситут Халықаралық физиология ғылымдары ассоциациясына мүше.

Дереккөздер[өңдеу | қайнарын өңдеу]