Адам экологиясындағы зерттеулердің объектісі мен заты

Уикипедия — ашық энциклопедиясынан алынған мәлімет
Jump to navigation Jump to search

Адам экологиясындағы зерттеулердің объектісі мен заты (Объект и предмет исследований в экологии человека) — зерттеу бағытталған нақты бір шындық (сондай-ақ оның әр түрлі жақтары, сипаттамалары мен қатынастары). Зерттеулердің объектісі мен затын анықтау зерттеу бағдарламасын белгілеудегі алғашқы қадам болып табылады. Зерттеу объектісі әр түрлі көзқарас тұрғысынан зерделенуі мүмкін. Зерттеу бағдарламасын жасаудың өзі объект зерттелуі мүмкін белгілі бір көзқарасты тиянақтауға бағытталады. Нақты ғылыми жұмысты орындау кезінде осы проблеманы зерттеу жоспарында ден қойылып отырған объектінің белгілі бір жақтарын, қасиеттерін, сипаттамаларын, ерекшеліктерін саралап көрсетеді. Басқаша айтқанда, зерттеу пәні сараланады. Зерттеу пәні (заты) — зерттелетін объектінің теориялық немесе практикалық көзқарас тұрғысынан неғұрлым маңызды қасиеттері, жақтары, ерекшеліктері, сипаттамалары. Бір объектіде ғылыми-танымдық және практикалық мақсаттарға байланысты бірнеше зерттеу затын бөліп көрсетуге болады. Зерттелетін құбылыс өзінің функциясында және өзгеруінде, барлық анықтаушы тәуелділігі мен кешендерінде зерттелетін тұтастық болып ұғынылады.[1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Экология және табиғат қорғау / Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5