Азамат Рахатұлы Әбілдаев

Азамат Рахатұлы Әбілдаев (3 тамыз 1972 жыл, Алматы облысы, Жамбыл ауданы, Қастек ауылы) — қазақстандық мемлекеттік қайраткер, Парламент Мәжілісі V және VII шақырылымдарының депутаты, Ақ жол демократиялық партиясының бұрынғы мүшесі.[1]
Білімі және мансабы
[өңдеу | дереккөзін өңдеу]Қазақ ұлттық техникалық университетін, Әл-Фараби атындағы Қазақ ұлттық университетін бітірген.
1999 және 2004 жылдар аралығында «Алмаз» шаруа қожалығында басқарушы директор. 2004–2007 жылдары «Агрофирма Түрікпен» ЖШС бас директоры. 2007–2009 жылдары аралығында «ПромИнвестАзия» Сауда-қаржы холдингі» ЖШС президенті.
2009–2010 жылдары «ПромИнвестАзия» Сауда-қаржы холдингі» ЖШС қадағалау Кеңесінің төрағасы, консультанты, және 2010–2011 жылдары «Қазақстан тас өнімдері» ЖШС, ӨБ президенті. 2011 және 2012 жылдары аралығында «Корпорация «Казгранит» ЖШС президенті.
1998 жылдан бастап «Ақбөкен» қоғамдық қорының мүшесі болып келеді.
Депутаттығы
[өңдеу | дереккөзін өңдеу]2011, 2016 және 2020 жылдары Ақ жол демократиялық партиясының мүшесі ретінде депутаттығына үміткер болған.
2012 және 2016 жылдар аралығында Қазақстан Республикасы Парламенті Мәжілісінің Аграрлық мәселелер комитетінің мүшесі болды.
2021 жылдың 14 қаңтарында Ақ жол демократиялық партиясы атынан мүшесі ретінде Парламент Мәжілісінің депутаты болып сайланды.
Даулы көзқарасы және отставкасы
[өңдеу | дереккөзін өңдеу]2023 жылдың 18 қаңтар күні Азамат Әбілдаев интервьюде Украинадағы соғысты, Ресей президенті Владимир Путинді қолдайтынын және Украинада нацистер бар деп сенетінін айтты.[2]
Оның осы даулы тұжырымдамаларын «Ақ жол» партиясы мен оның төрағасы Азат Перуашев сынға алды, және 19 қаңтарда Азамат Әбілдаев өзінің депутаттылығы мен партия мүшелігінен айырылды. Партияның бұл шешіміне ол "ренжімейтінін" және "партия шешімінің дұрыс болғанын" айтты.[3][4][5]
Жеке өмірі
[өңдеу | дереккөзін өңдеу]Үйленген, бір ұлы бар.
Марапаттары
[өңдеу | дереккөзін өңдеу]- «Құрмет» ордені (2021)
- «Мамандығы бойынша үздік» дипломымен
- ІІ дәрежелі «Ерең еңбегі үшін» медальдарымен марапатталған.
Сілтемелер
[өңдеу | дереккөзін өңдеу]Дереккөздер
[өңдеу | дереккөзін өңдеу]- ↑ Абильдаев Азамат Рахатовия (персональная справка) (орыс.). Тексерілді, 19 қаңтар 2023.
- ↑ Казахстанский депутат признался, что поддерживает Путина и войну в Украине (орыс.). (18 қаңтар 2023). Тексерілді, 19 қаңтар 2023.
- ↑ Ресей басқыншылығын қолдаған депутат "Ақ жолдан" шығарылды (қаз.). Азаттық радиосы. (19 қаңтар 2023). Тексерілді, 19 қаңтар 2023.
- ↑ Азамат Әбілдаев партиядан шығарылып, депутаттық мандаты тоқтатылады – «Ақ жол» (қаз.). kazinform. (19 қаңтар 2023). Тексерілді, 19 қаңтар 2023.
- ↑ Мажилисмена Абильдаева лишат депутатского мандата из-за высказываний о военном конфликте в Украине (орыс.). informburo. (19 қаңтар 2023). Тексерілді, 19 қаңтар 2023.