Азамат Әбдірахманұлы Қамшымбаев

Азамат Әбдірахманұлы Қамшымбаев - 1978 жылы 24 қыркүйекте РКФСР Челябинск облысы Брединск ауданы Павловка кентінде туған. Қазақ. Әкесі - Қамшымбаев Әбдірахман Сүлейменұлы, «Қостанай әуежайы» АҚ ЖЖМ қоймасының бастығы. Анасы - Қамшымбаева Қалампыр Әбдікәрқызы (1946 ж. т.), зейнеткер, ауыл шаруашылығында жұмыс істеген. А. Байтұрсынов атындағы Қостанай мемлекеттік университетінің тарих факультетін, мемлекет негіздері және құқығы тарихы оқытушысы мамандығы бойынша; Қазақ құқықтану және халықаралық қатынастар институтын (2001) заңгер мамандығы бойынша бітірген. Қазақ және орыс тілдерін біледі. 1999 жылдың шілдесіне- «Ауылшартехникасы» АҚ заң кеңес берушісі. 2000 жылдан - ҚР Әділет министрлігінің Сот үкімдерін орындау комитеті Қостанай облысы бойынша департаментінің сот орындаушысы, аға сот орындаушысы. 2001 жылдан - ҚР Табиғи монополияларды реттеу, бәсекені қорғау және шағын бизнесті қолдау агенттігі Қостанай облысы бойынша департаменті монополияға қарсы заңнаманың сақталуын қадағалау бөлімінің жетекші маманы, 2002 жылдан - заң бөлімінің бас маманы, 2005 жылдың қаңтарынан - бастығы. 2005 жылдың қазанынан - ҚР Табиғи монополияларды реттеу агенттігінің Қостанай облысы бойынша басқармасы бастығының орынбасары. 2006 жылдың қарашасынан - ҚР Индустрия және сауда министрлігі Бәсекелестікті қорғау комитеті Қостанай облысы бойынша монополияға қарсы күрес басқармасының бастығы. 2008 жылдың мамырынан бері - ҚР Бәсекелестікті қорғау агенттігінің (Монополияға қарсы күрес агенттігі) Ақтөбе және Батыс Қазақстан облыстары бойынша Өңіраралық инспекциясының бастығы. «Ерен еңбегі үшін» медалімен (2008) марапатталған. Саяси қайраткер ретіндегі идеалы - М. Тэтчер, I Петр. Қазақстанның болашағы туралы болжамы - «Өз азаматтарының жоғары тіршілік етудің тиісті стандарттары бар дамып келе жатқан елдердің қатарында Қазақстанның алға басуы». Хоббиі - спорт (футбол, суда жүзу, теннис), суық суда жүзу. Сүйіп оқитын әдебиеті - көркем әдебиет, классика, публицистика; III. Айтматов. Үйленген. Жұбайы - Қамшымбаева Галия Галибекқызы, «АМФ тобы» АҚ заңгері. Қызы - Қамшымбаева Айдана Азаматқызы.