Азатым Машурұлы Бурханов

Бурханов Азатым Машурұлы
Дүниеге келгені:	28 сәуір 1940 Алматы облысы Панфилов ауданы Пинджим ауылы

Бурханов Азатым Машурұлы - 1940 жылы 28 сәуірде Алматы облысы Панфилов ауданының Пинджим ауылында туған.

Әкесі - Бурханов Машур (1908-1944), математика пәнінің мұғалімі болған. Анасы -Хаширова Хавасхан (1916-1998). П.И. Чайковский атындағы Алматы музыка училищесінің халық бөлімшесін «Бас қобыз» классы бойынша бітірген (1963), бас-қобыз бойынша музыка мектебінің оқытушысы, халық аспаптар оркестрінің жетекшісі.

БҰҰ жанындағы Халықаралық ақпараттандыру академиясының академигі.

100-ден астам халық әндерінен тұратын жинақ түрінде музыкалық туындыларды, сондай-ақ ұйғыр халқының музыкалық ауызша дәстүрі дамуының шыңы болып табылатын ежелгі 12 мұқамды қайта жаңғыртып, нотаға түсірді.

1963 жылдан - «Нава» ансамблінің әртісі, Қ. Қожамияров атындағы Мемлекеттік республикалық ұйғыр музыкалық комедия театрының жанындағы «Нава» ансамблінде оркестр әртісі, кіші симфониялық оркестрдің концертмейстері.

1991 жылдан - Қ. Қожамияров атындағы Мемлекеттік республикалық ұйғыр музыкалық комедия театрының жанындағы «Нава» фольклорлық ұлттық ансамблінің көркемдік жетекшісі және дирижері.

2007 жылдан бері - Қ. Қожамияров атындағы Мемлекеттік республикалық ұйғыр музыкалық комедия театрының жанындағы «Нава» фольклорлық ұлттық ансамблінің мұқамшылар тобының жетекшісі.

«Ақпараттануға сіңірген көрнекті еңбегі үшін» Жоғары халықаралық орденімен (2007); «Ерен еңбегі үшін. В.И. Лениннің туған күніне 100 жыл толуы құрметіне» (1970), «Еңбек ардагері» (1989), «Әлем ақпараттанушылар элитасы» (2003) медальдарымен, «Ауылға мәдени қамқорлық көрсету ісінің үздігі» белгісімен (1972) марапатталған.

Алматы облысы Ұйғыр ауданының Құрметті азаматы.

«Әлем ақпараттанушылар элитасы» Халықаралық конкурсының лауреаты (2003). «Әлем ақпараттанушылар элитасы» энциклопедиясына енгізілген.

Үйленген. Жұбайы - Разиева Нұргүл Тұрсынқызы (1938 ж.т.), зейнеткер, Ғылым академиясы Ұйғыртану институтының кіші ғылыми қызметкері. Қыздары - Ләйлігүл (1964 ж.т.), музыка мұғалімі, Дильбирим (1970 ж.т.), Қ. Қожамияров атындағы Мемлекеттік республикалық ұйғыр музыкалық комедия театрының солисі.