Азиатский вестник

Уикипедия — ашық энциклопедиясынан алынған мәлімет
Jump to navigation Jump to search

“Азиатский вестник” - шығыс елінің ғылым, өнер және ауыз әдебиетінің таңдамалы шығармалары мен аудармаларынан тұратын ғылыми-әдеби журнал.[1]

1825-1827 жылдары ай сайын Санкт-Петербургте басылды. Баспагер Г.Спасский. Азия елдерінің тарихы, географиясы, өнері және әдебиеті жөніндегі мақалалар жарияланды. Материалдарының байлығы мен әртүрлілігі бойынша "Азиатский вестник" өз заманының ең мазмұнды журналы болды. Журнал беттерінде орыс және шетел ғалымдарының, зерттеушілерінің, саяхатшыларының бүгінге дейін маңызын жоймаған еңбектеріне орын берілді. Г.Спасский өнер мен мәдениеттің ескі ескерткіштері жайлы қолжазбаларды, хабарларды іздеп тауып, жариялады. "Шығыс ауыз әдебиеті" бөлімінде шығыс әдебиетіне шолу, ертегілер, аудармалар, шығыс мақал-мәтелдері беріліп тұрды. Әрбір кітапшаның соңында "Азиатский вестниктың" "Шығыс хабарлары және Аралас" бөлімінде Азия елдеріне саяхат, географиялық ерекшеліктері туралы, қалаларының қысқаша түсініктемесі басылды. Журналдың әрбір саны Шығыс тарихы, географиясы және өнері мәселелері жөнінде шыққан кітаптар жайлы хабарлармен жабылды.

Дереккөздер[өңдеу]

  1. Қазақ телевизиясы. Энциклопедия. — Алматы: “ҚазАқпарат”,2009, 1-т. — 640 б. ISBN 978-601-03-0070-5