Азим Аслан оғлы Азимзаде

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Азим Азимзаде
әз. Əzim Aslan oğlu Əzimzadə
суреті
Туған күні

7 мамыр 1880(1880-05-07)

Туған жері

Новханы, Ресей империясы

Қайтыс болған күні

15 маусым 1943(1943-06-15) (63 жас)

Қайтыс болған жері

Баку, КСРО

Азимзаде Азим Аслан оғлы ,әз. Əzim Aslan oğlu Əzimzadə (07.05.1880,Новханы,Баку — 15.06.1943,Баку) - әзірбайжан сатирикалық графикасының негізін салушы, Әзірбайжан ССР-нің халық суретшісі (1927).

Қарапайым мұнай жұмысшының отбасында туылған. Сурет өнерінің арнаулы мектебінен білім алмаған, өздігінен үйренген суретші. 1906 ж. бастап журалдарда саяси тақырыптарға сурет пен карикатура сала бастады. Ол суреттерде әлеуметтік теңсіздік пен діни нанымдарды ажуа етеді. Суреттері "Молла Насреддин", "Занбур" ("Сона") т.б. журалдарда басылып тұрған.

Революциядан кейін Кеңес дәуірінде сулы бояумен салған ("Революцияға дейінгі Бакудегі 100 тип", 1937, Әзірбайжан Р.Мұстафаев атындағы мемлекеттік өнер мұражайы) суреттерінің құндылығы - орындау тәсілі мен бояулар тоғысуының көркемдігінде.

Азимзаде Отан соғысы кезіде бір топ антифашистік келемеж суреттер мен плакаттар жазды ("Тоты қауырсынды қарға" т.б.)

1920 жылдан өмірінің соңғы күндеріне дейін Әзірбайжан сурет училищесінде сабақ беріп, 1932-37 жылдары оның директоры болған.

1923 жылдан партия мүшесі, 1927 ж. - Әзірбайжан ССР-нің халық суретшісі Азимзаде саяси репрессиядан аман қалған себебі - Әзірбайжан компартияны Орталық Комитетіің төрағасы Мирджафар Багиров суретшінің талантының табынушысы болған деп есептеледі.

Бакуда суретшінің мұражайы бар, көшеге және өзі жұмыс істеген училищеге аты берілген. 2002 жылы Республика сарайының алдында Азимзадеге ескерткіш орнатылған.

Галерея[өңдеу]

Дереккөздер[өңдеу]

  • Қазақ Совет энциклопедиясы/Бас редакторы М.Қ.Қаратаев - Алматы, 1972, 1 том
  • Ортаққор логотибі Ортаққорда бұған қатысты медиафайлдар бар: Азим Азимзаде