Аида Қыстаубайқызы Сағынтаева
| Аида Қыстаубайқызы Сағынтаева | ||
| Лауазымы | ||
|---|---|---|
| ||
| 07.2024 — осы уақытқа дейін | ||
| ||
| 03.2011 — осы уақытқа дейін | ||
| ||
| 06.2007 — 03.2009 | ||
| Өмірбаяны | ||
| Дүниеге келуі | 31 шілде 1977 (49 жас) Тараз | |
| Әкесі | Қыстаубай Әбдірұлы Сағынтаев | |
| Анасы | Таттибаева Гульшат Оспанқызы | |
| Марапаттары | «Құрмет» ордені (03.03.2025) «ҚР Білімінің құрметті қызметкері» төсбелгісі | |
өңдеу  | ||
Аида Қыстаубайқызы Сағынтаева (31 шілде 1977, Тараз, Қазақстан) — қазақстандық ғалым, білім саласының менеджері, экономика ғылымдарының кандидаты[1], PhD. Nazarbayev University академиялық жоспарлау және бюджет жөніндегі вице-проректоры, Жоғары білім беру мектебінің деканы.
Өмірбаяны
[өңдеу | дереккөзін өңдеу]Білімі
[өңдеу | дереккөзін өңдеу]М.Х. Дулати атындағы Тараз мемлекеттік университетінде «Құқықтану» мамандығы бойынша жоғары білім алды (1998, 2006). Кейіннен Абылай хан атындағы Қазақ халықаралық қатынастар және әлем тілдері университетінде PhD дәрежесін қорғады. Экономика ғылымдарының кандидаты.
Еңбек жолы
[өңдеу | дереккөзін өңдеу]Кәсіби қызметін М.Х. Дулати атындағы Тараз мемлекеттік университетінде оқытушы ретінде бастады. Кейін сол университетте халықаралық ынтымақтастық бөлімінің бастығы қызметін атқарды.
Л.Н. Гумилев атындағы Еуразия ұлттық университетінде доцент, одан кейін халықаралық ынтымақтастық және қаржы мәселелері жөніндегі проректор болды.
2007–2008 жылдары «Халықаралық бағдарламалар орталығы» АҚ президенті.
2013 жылдан бастап Назарбаев Университетінің Жоғары білім беру мектебінің бас атқарушы директоры және деканы қызметін жүзеге асыруда.
2024 жылы Аида Сағынтаева Ұлыбританияның Advance HE ұйымының Principal Fellow (PFHEA) мәртебесін алды — бұл ұйымның кәсіби мойындауының ең жоғары деңгейі. Аталған мәртебе университет немесе білім беру жүйесі деңгейінде оқыту стратегиясына ықпал ететін, реформаларды жүзеге асыратын және білім саясатын қалыптастыратын тұлғаларға беріледі[2].
Ғылыми қызметі
[өңдеу | дереккөзін өңдеу]Жоғары білімді интернационализациялау, білім беру реформалары, жоғары оқу орындарын басқару салаларында зерттеу жүргізеді. Ғылыми мақалалары Evaluation in Higher Education, Cambridge University Press және халықаралық конференциялар жинақтарында жарияланған. Автор және соавтор ретінде 50-ден астам ғылыми мақаласы бар.
Қосымша қызметтері
[өңдеу | дереккөзін өңдеу]- ҚР Білім және ғылым министрлігінің үш деңгейлі білім жүйесі мен докторантура бағдарламаларын енгізу жөніндегі жұмыс тобының мүшесі
- М.Х. Дулати атындағы Тараз мемлекеттік университеті Байқау кеңесінің мүшесі
Негізгі зерттеу жобалары
[өңдеу | дереккөзін өңдеу]- «Қазақстанның орта білім мазмұнын жетілдіру» (2014–2016)
- «Қазақстандағы жоғары оқу орындарының академиялық басқару үлгілерін дамыту» (2014–2016)
- «Қазақстандағы жоғары білімді интернационализациялаудың үздік практика үлгілерін дамыту» (2014–2016)
Халықаралық ұйымдардың мүшесі
[өңдеу | дереккөзін өңдеу]- Американдық білім зерттеулері қауымдастығы (AERA)
- Британдық білім зерттеулері қауымдастығы (BERA)
- Жоғары білімді зерттеу қауымдастығы (ASHE)
- Салыстырмалы және халықаралық білім қоғамы (CIES)
Марапаттары мен атақтары
[өңдеу | дереккөзін өңдеу]- «Құрмет» ордені (03.03.2025)[3][4]
- «ҚР Білімінің құрметті қызметкері» төсбелгісі
- «Ыбырай Алтынсарин» төсбелгісі
Таңдамалы еңбектері
[өңдеу | дереккөзін өңдеу]- Sagintayeva, A. (2014). Educational Reform and Internationalization: The case of School Reform in Kazakhstan. Cambridge University Press.
- Sagintayeva, A., Kurakbayev, K. (2013). Internationalization of higher education in Central Asia: the Kazakhstan context. London: Emerald.
- Sagintayeva, A. (2012). The Impact of Global University Rankings on Higher Education Management and Policy in Kazakhstan. Evaluation in Higher Education, 6(2).
Отбасы
[өңдеу | дереккөзін өңдеу]Әкесі Қыстаубай Әбдірұлы Сағынтаев (1954 жылы туған) – Жамбыл облысы «Халыққа арналған үкімет» ҰАҚ филиал директоры, инженер-гидротехник, заңгер. Полиция полковнигі.
Анасы Таттибаева Гульшат Оспанқызы. Сіңілісі – Сағынтаева Динара (1980 жылы туған). Атасы Әбдір Сағынтаев (1921-1986) Социалистік Еңбек Ері, Үш мәрте Ленин орденінің иегері, Ұлы Отан соғысының ардагері. Тараз жылқы зауытының басшысы болған[5].
Дереккөздер
[өңдеу | дереккөзін өңдеу]- ↑ Провост офисі.
- ↑ Nazarbayev University вице-провосты Аида Сағынтаева Advance HE жетекші сарапшысы болып сайланды.
- ↑ Вице-провост NU Аида Сагинтаева удостоилась государственной награды.
- ↑ Токаев наградил казахстанок за достижения в госслужбе, экономике и культуре.
- ↑ Сагинтаев Кыстаубай Абдирович (персональная справка).