Айбектөбе

Айбектөбе - кене қоныс орны. Көксарай аймағынан батысқа қарай 11 километр, Айбек құдығынан 500 метр жерде. 2004 жылы Отырар мемлекеттік археологиялық қорық музейінің және Шымкент қаласы Археология және этнология ғылыми-зерттеулік орталығының Археологиялық экспедиция зертгеген. Ескерткіш 6 бөліктен құралған. Ең негізгі үлкен төбе (№ 1) ортада, оның солтүстік жағында №7 және №2 төбе бар. №7 төбенің аумағы 42x40 метр, биіктігі 4 метр, №2 төбенің аумағы 32x32 метр, биіктігі 2 метр. №1 төбенің оңтүстігінде №6 төбе (аумағы 20 метр, биіктігі 1 метр) бар. №1 төбенің шығысында №3 (аумағы 34x36 метр, биіктігі 2 метр), №4 (аумағы 40x48 метр, биіктігі 1 метр), №5 (аумағы 62x55 метр, биіктігі 4 метр) төбелер орналасқан №5 төбе үстіне географиялық үш таған белгісі қойылған. №11 төбенің аумағы 18 метр, биіктігі 1 метр. №12 төбе үшінші өзектің бойында орналасқан. Ең шеткі төбе (аумағы 36x40 метр, биіктігі 3x2 метр). № 14 төбе №8,9,10 төбелердің ортасында, биіктігі 25 метр, аумағы 50x60 см аралығында. №13 төбе №8 төбеден солтүстік-батысқа қарай 90 метр жерде. Аумағы 40x35 метр, биіктігі 1 метр жуық. Ескерткіштің көп бөлігін құм басқан, сексеуіл өскен. Ескерткіштің Оңтүстік, Оңтүстік-батыс жағындагы белек-белек терең өзектер — ежелгі су жинайтын қоймаларға ұқсас.