Айбол Әнуарұлы Бекмұхамбетов

Айбол Әнуарұлы Бекмұхамбетов
Туған күні	1 ақпан 1962 (1962-02-01) (62 жас)
Туған жері	Ақтөбе
Азаматтығы	Қазақстан
Ұлты	қазақ
Қызметі	«Халықаралық Алматы әуежайы» АҚ президенті
Әкесі	Әнуар Бекмұхамбетов
Анасы	Шәрбану Бекмұхамбетова
Марапаттары мен сыйлықтары	Достық ордені Құрмет ордені

Айбол Әнуарұлы Бекмұхамбетов (1962 жылы 1 ақпанда Ақтөбеде туған) — қазақстандық инженер - ұшқыш. Техника ғылымдарының кандидаты (2005). «Халықаралық Алматы әуежайы» АҚ президенті. ҚР Еңбек сіңірген авиаторы (2005).

Толығырақ

• Айбол Әнуарұлы 1962 жылы 1 ақпанда Ақтөбеде дүниеге келген.
• Әкесі - Әнуар Бекмұхамбетов - кеңестік партия қызметкері, еңбек ардагері.
• Анасы - Бекмұхамбетова Шәрбану Мырзакелдіқызы - Қобда және Ақтөбе аудандық атқару комитеті төрағасының орынбасары, Ойыл орта мектебінің директоры Қазақ ССР халық ағарту ісінің құрметті қызметкері.
• Білімі
• 1983 жылы Ақтөбе жоғары ұшқыштар училищесі «Әуе кемелерін ұшуда пайдалану» мамандығы бойынша, әуе кемесін пайдалану факультетін бітірген.
• 2005 жылы Санкт-Петербург Азаматтық авиация академиясының аспирантурасын бітірген.
• 2005 жылы «Әуе көлігін пайдалану» мамандығы бойынша Техника ғылымдарының кандидаты ғылыми атағы берілді.
• «Адам факторы және ұшу қауіпсіздігі, ықпалды зерттеу» монографиясы мен 10-нан аса ғылыми мақалалар авторы.
• Азаматтық авиация академиясының және Қазақстан Республикасы Әуе қорғаныс күштері Әскери институтының профессоры.

Қоғамдық қызметкері

• 1-классты ұшқыш-инженер.
• ҚР Қорғаныс министрлігі Әуе қорғанысы күштерінің полковнигі
• Нұр Отан партиясының мүшесі
• 1999 - 2002 жылдары Ақтөбе облыстық мәслихатының депутаты
• 2002 - 2007 жылдары Атырау облыстық сайлау комитетінің төрағасы
• 2012 жылдан Алматы қаласы мәслихатының депутаты

Еңбек жолы

• 1983 жылдан Ақтөбе жоғарғы ұшқыштар училищесінің Як-18 және Як-40 ұшақтарының ұшқыш-нұсқаушысы, командир-нұсқаушысы, Як-40 ұшағының эскадрильясы командирінің орынбасары.
• 1993 жылдан ҚР Көлік Министрлігі Азаматтық авиацияның мемлекеттік саясат бөлімінің бас маманы.
• 1994 жылдан Алматы ұшу-техникалық кешеніндегі халықаралық әуе желілерінің ТУ-154 ұшағының ұшқышы.
• 1996 жылдан Ақтөбе авикәсіпорын директорының орынбасары. 1997 жылдан «Халықаралық Ақтөбе әуежайы» АҚ президенті.
• 2000-2008 жылдар аралығында «Еуро-Азия-Эйр» АҚ президенті.
• 2001-2007 жылдар аралығында «АТМА-Атырау әуежайы және тасымалдар» АҚ директорлар кеңесінің төрағасы.
• 2008-2009 жылдар аралығында «Халықаралық Астана әуежайы» АҚ президенті.
• 2009 жылғы желтоқсаннан бастап қазіргі уақытқа дейін «Халықаралық Алматы әуежайы» АҚ президенті.

Марапаттары

• 2000 - Ақтөбе облысының жыл адамы
• 2001 - Құрмет ордені
• 2005 - Қазақстан Республикасының Еңбек сіңірген авиаторы
• 2005 - Техника ғылымдарының кандидаты
• 2006 - ІІ дәрежелі Достық ордені
• 2011 - Парасат ордені
• 2011 - "Қазақстан Республикасының тәуелсіздігіне 20 жыл" медалі
• 2012 - Қазақстан Республикасының Құрметті авиаторы
• 2016 - "Қазақстан Республикасының тәуелсіздігіне 25 жыл" медалі
• ҚР президентінің жеке алғыс хаттарымен марапатталған.
• Алматы және Астана қалалары әкімдерінің Құрмет грамоталары және Алғыс хаттарымен марапатталған.