Айгүл Иманқұлқызы Елшібаева

Уикипедия — ашық энциклопедиясынан алынған мәлімет
Навигацияға өту Іздеуге өту
Айгүл Елшібаева
Толық аты

Айгүл Иманқұлқызы Елшібаева

Туған күні

2 мамыр 1977 (1977-05-02) (45 жас)

Туған жері

Ақтөбе облысы, Шалқар

Мемлекет

 Қазақстан

Мамандығы

әнші, термеші

Дауыс түрі

сопрано

Марапаттары
Қазақстанның еңбек сіңірген қайраткері

Айгүл Иманқұлқызы Елшібаева (1977 жылы 2 мамырда Ақтөбе облысы, Шалқар қаласында туған) – қазақстанның дәстүрлі әншісі, термешісі. «Дарын» мемлекеттік жастар сыйлығының иегері.

Өмірбаяны[өңдеу | қайнарын өңдеу]

1999 жылы Құрманғазы атындағы Алматы Мемлекеттік консерваториясын әнші, оқытушы, домбырашы мамандығы бойынша үздік бітірген.[1]

2001 жылы Президенттің гранты бойынша аталған консерваторияның аспирантурасын бітірген. Кандидаттық диссертациясының тақырыбы «Қазақтың жыраулық-жыршылық дәстүрінің орындалу ерекшеліктері».[2]

1999-2002 жж. Алматы қаласында «Гүлдер» ансамблінде қызмет атқарған.[3]

2002-2009 жж. Астана қаласының Л.Н. Гумилев атындағы Еуразиялық Ұлттық университетінде оқытушы болып істеген.[4]

1997 жылы Батыс аймақтық конкурстың лауреаты.[5]

1997. жылы Франция елінің Париж, Рейин т.б. қалаларында .М. Әуезовтың 100 жылдық мерейтойын ЮНЕСКО көлемінде атап өтілген концертте өнер көрсетті.

2000 жылы «Шабыт» фестивалінің лауреаты.

2001 жылы Израиль мемлекетінде Қазақстан Республикасы Тәуелсіздігінің 10 жылдық мерекесінде өнер көрсетті.

2005 жылы К.Әзірбаев атындағы конкурстың лауреаты.

2006 жылы Қазақстан елшілігі Чехия мемлекетінде өткізген «Наурыз мерекесінде» өнер көрсетті.

2006 жылы «Дарын» мемлекеттік жастар сыйлығының лауреаты.

2007 жылы Францияның астанасы Париж қаласында өткен «Айтыс» бағдарламасы аясында Қазақстанның дәстүрлі өнер шеберлерімен бірге өнер көрсетті.

Сүгір жыраудың термесіне бейне баян түсіріп, эстрада саласында этнофольклор жанрымен жаңа қырынан танылды.

2009 жылдың сәуірінен бастап ҚР Президенттік мәдениет орталығында театр және концерт қызметінің театр солисі болып қызмет атқарды.

2011 жылы «Қазақтың жыр мақамдары» атты ғылыми еңбегі жарыққа шықты, қазақ ұлттық музыка өнерінің жыраулық дәстүрінің теориясын жазды. Қазақтың дәстүрлі 50 жыр-термесін нотаға түсірген.

2012 жылы Англия мемлектіне, Кембридж университетінің шақыруымен, Түркі халықтарының музыкасындағы арналған конференциясында «Қазақтың жыр мақамдары» кітабының тұсаукесерін жасап, баяндама жасап, өнер шеберлерімен өнер көрсеткен. Астана қаласының мерекелік концерттеріне жиі қатысып, өзіндік үлесін қосып, аянбай еңбек етіп келеді.

2018-жылы Қазақстанның еңьек сіңірген қайраткері атағына ие болды.

2019-жылы Шалқар ауданының құрметті азаматы атағына ие болды.

2019-жылдан бастап, Астанадағы Өнер университетінде ұстаздық қызмет атқарады.

2020-жылдан Қазақконцерт бірлестігінде әнші-солист қызметінде

2022-жылы, мамыр айында Қырғызстанда өткен Ұлттық музыка мерекесінде өнер көрсетіп, қырғыз ұлты қазақтың жыр термесіне құрметін көрсетті.

2022-жылы, қыркүйек айында, Ресейдегі Қазақстан күндері аясында өткен, қазақстан өнер шеберлерінің концертінде Астрахань, Қазан қалаларында қазақтың жыраулық өнерін дәріптеп, Ресейлік көрермендердің ыстық ықыласына бөленді.

1997– 2022 жылдардан бастап, шет мемлекеттер мен қазақстанның Ақтөбе, Атырау, Талдықорған, Алматы, Жамбыл, Шымкент, Павлодар, Қызылорда, Маңғыстау, Орал, Қарағанды облыстары мен Астана қаласының мерекелік концерттеріне жиі қатысып, өзіндік үлесін қосып, аянбай еңбек етіп келеді. жеке концертін өткізіп, дәстүрлі өнерді паш етіп келеді.

Марапаттары[өңдеу | қайнарын өңдеу]

  • 2006 ж.- Дарын мемлекеттік сыйлығының лауреаты.
  • 2018 ж. - Қазақстанның еңбек сіңірген қайраткері.

Дереккөздер[өңдеу | қайнарын өңдеу]