Айгүл Тынымбекқызы Абжалиева

Абжалиева Айгүл Тынымбекқызы (1973 ж.) - социология ғылымдарының кандидаты, доцент. 1995 жылы әл-Фараби атындағы ҚазҰУ-дің философия және саясаттану факультетінің әлеуметтану бөлімін бітірді. Қазақтың ұлттық Аграрлық университетіңде жұмыс істегеннен кейін 2001 жылы әл-Фараби атындағы ҚазҰУ-дің философия жөне саясаттану факультетінің әлеуметтану кафедрасында аға оқытушы қызметін атқарды. 2001 жылы Дарынды жас ғалымдарға арналған Мемлекеттік стипендияның лауреаты атанды. 2000 жылы "Урбандану және оның әлеуметтік салдары (Қазақстан Республикасы материалдары бойынша)" атты тақырыпта әлеуметтану мамандығы бойынша кандидаттық диссертация қорғады. 2003 жылы Сорос халықаралық қорының "Ортаазиялық зерттеушілік инициативалар" атты зерттеушілік жобасын жеңіп алып, 2003 — 2005 жылдар аралығында зерттеу жүргізді. Айгүл 20-дан астам ғылыми еңбектердің авторы. Соның ішінде: Экономикалық әлеуметтану. Алматы, (Авторлар ұжымы). Әлеуметтануды оқыту методикасы. Алматы, (Авторлар ұжымы). Әлеуметтану. Алматы, 2005. (Авторлар ұжымы).