Айдарбек Махмутұлы Махмутов

Уикипедия — ашық энциклопедиясынан алынған мәлімет
Навигацияға өту Іздеуге өту

Айдарбек Махмутұлы Махмутов (29. 12. 1922 жылы туған, Талдықорған облысы, Қапал ауданы — 1986, Алматы) — тіл білімі маманы, филология ғылымының кандидаты (1963). Ұлы Отан соғысына қатысқан. Әл-Фараби атындағы ҚазМҰУ-дың филология факультетін бітірген (1950). 1950—1957 жылдары Павлодар облысы мектептерінде оқу бөлімінің меңгерушісі, кейін директоры болып қызмет істейді. 1957—1970 жылдары ҚазКСР ғылым академиясының Тіл білімі институтында кіші, аға ғылыми қызметкер. ҚазКСР ғылым академиясының академигі. I. Кеңесбаевтың жетекшілігімен "Қазақ тіліндегі архаизмдер мен историзмдер" деген тақырыпта кандидаттық диссертация қорғаған. Осы жылдары екі томдық және көп томдық "Қазақ тілінің түсіндірме сөздігін", "Қазақ тілінің қысқаша этимологиялық сөздігін" (1966) құрастыруға қатысады. Көп жылдар эпиграфикалық экспедицияларга қатысып, эпиграфика жөнінде материал жинады. Ғалым қаламынан тіл тарихына, эпиграфикаға байланысты 20-дан астам мақала жарық көрді.[1]

Дереккөздер[өңдеу | қайнарын өңдеу]

  1. Қазақ тілі. Энциклопедия. Алматы: Қазақстан Республикасы Білім, мәдениет және денсаулық сақтау министрлігі, Қазақстан даму институты, 1998 жыл, 509 бет. ISBN 5-7667-2616-3