Айналдыра бұрғылау

Уикипедия — ашық энциклопедиясынан алынған мәлімет
Jump to navigation Jump to search
Тау жыныстарын үгітіп, айналдыра бұрғылайтын бұрғы

Айналдыра бұрғылаубұрғыны үздіксіз айналдырып, оны күшпен батыру арқылы тау жыныстарын бұрғылау тәсілі.

Бойлық қысым бұрғылау аспабына коронкамен нық жалғанған штангілер массасынан, редукторлы айналдырғыш механизм мен қозғалтқыш салмағынан немесе қанатты гидравликалық тетіктен түседі. Бұрғылау кезінде қашауға түсетін салмақ 30 тоннаға дейін жетеді. Болаттан жасалған бұрғылау трубалары бойымен қашау ұңғымаға (скважина) бағытталады. Забойда бұзылған тау жыныстарын сумен шайып, сыртқа шығарады. Бұрғылау кезінде бұзылған кен кесектерін сыртқа таситын сұйықтық ретінде судан басқа балшық ерітінділер, әк тас ерітінділері, мұнай негізді ерітінділер мен эмульсиялар тағы басқа қолданылады. Сұйықтық сорғы және бұрғылау трубалары арқылы қашауға жеткізіледі, ондағы тесіктерден ұңғыма забойына енеді. Одан әрі бұрғылау трубалары мен ұңғыма қабырғасы аралығындағы қуыспен бұрғыланған тау жыныстарын өзімен ілестіре жоғары көтереді. XX ғасырдың 50 жылдарының орта шенінен бастап АҚШ-та (онша терең емес ұңғымалар үшін) забойды ондағы бұзылған тау жыныстарынан ауа қысымымен не газбен тазарту қолданылады. Мұнда да сығылған ауа немесе газ бұрғылау трубаларына сорғы арқылы айдалады. Ұңғыма бұрғылау арнаулы білдектермен жүргізіледі.[1]

Дереккөздер[өңдеу]

  1. Қазақ совет энцеклопедиясы. 6 том.