Айнтрахт (стадион)
| Айнтрахт (стадион) | |
 | |
| Толық атауы |
Eintracht-Stadion |
|---|---|
| Бұрынғы атаулары |
Städtisches Stadion an der Hamburger Straße (1982–2008) |
| Орналасуы | |
| Салынған |
1922-1923 |
| Ашылған |
17 маусым 1923 |
| Жаңартылған |
1963–1964, 1995, 2009–2010, 2011–2013 |
| Құрылыс құны |
€15 млн (2009) |
| Иесі |
Stadthalle Braunschweig Betriebsgesellschaft mbH |
| Сыйымдылығы |
24 406 |
| Команда | |
|
| |
Айнтрахт стадионы — Германияның Брауншвейг қаласында орналасқан, футбол және америкалық футбол матчтарына арналған стадион. Бұл стадион Айнтрахт Брауншвейг футбол клубының үй алаңы болып табылады. Стадион сыйымдылығы 24 406 көрермен. Айнтрахт стадионы 1923 жылы 17 маусымда ашылған.
Тарихы
[өңдеу | қайнарын өңдеу]
1920 жылдардың басына дейін Айнтрахт Брауншвейг өз үй ойындарын 3 000 адам сиятын Хельмштедтер штрассе көшесіндегі Sportplatz алаңында өткізді. Үлкен стадион қажеттілігі 1923 жылы қаланың солтүстігіндегі негізгі жолдардың бірі — Хамбургер штрасседе орналасқан Айнтрахт-Штадионның салынуына алып келді. Жаңа стадион 1923 жылдың 17 маусымында Нюрнберг клубына қарсы жолдастық ойынмен ашылды. 1955 жылы Айнтрахт стадионы Германия футбол қауымдастығы кубогының финалын қабылдады. Бұл ойында Карлсруэ клубы Шальке 04 клубын 3:2 есебімен жеңді.
Бастапқыда стадион 24 000 көрерменді қабылдай алатын. Алайда, 1963 жылы Германияның бүкіл ел бойынша ұйымдастырылған жаңа Бундеслигасы енгізілген соң, сыйымдылығы 38 000 адамға дейін ұлғайтылды.
1981 жылы клуб қаржылық қиындықтарға байланысты стадионды Брауншвейг қаласына сатуға мәжбүр болды. Содан кейін стадионның ресми атауы «Хамбургер штрасседегі қалалық стадион» (нем. Städtisches Stadion an der Hamburger Straße) деп өзгертілді. 1995 жылы стадион қайта жөнделіп, оның сыйымдылығы 25 000 адамға дейін қысқартылды.
2008 жылы жергілікті компаниялар тобы стадионның атауын пайдалану құқығын қаладан сатып алып, тарихи атауын — Айнтрахт стадионы — қайта енгізді.
2009 жылдан 2010 жылға дейін стадионның солтүстік трибунасы жабылып, кеңейтілді. 2011 жылдан 2013 жылға дейін стадион қайта жөндеуден өтті — бұл жолы негізгі трибуна жаңғыртылды. Осы жұмыстардан кейін стадионның ресми сыйымдылығы 25 540 орыннан 24 406 орынға дейін қысқартылды.
Жеңіл атлетика
[өңдеу | қайнарын өңдеу]
Германиядағы кәсіби футболда жүгіру жолы сақталған сирек стадиондардың бірі — Айнтрахт стадионы. Бұл стадион жеңіл атлетика жарыстарын өткізуге де қолданылады.
Бұл стадионда Германияның жеңіл атлетика чемпионаттары 2000, 2004 және 2010 жылдары өткізілді. 2012 жылы Еуропалық жеңіл атлетика қауымдастығы 2014 жылғы Еуропа құрамалары арасындағы чемпионатты Брауншвейг қаласына өткізу құқығын берді[1].
Концерт алаңы
[өңдеу | қайнарын өңдеу]1998 жылдан бастап Айнтрахт стадионы ашық аспан астындағы концерттер өтетін алаң ретінде де қолданыла бастады. Бұл стадионда алғаш өткен ашық концерт 1998 жылы 3 маусымда Эрос Рамазоттидің өнер көрсетуімен өтті[2].
Галлерея
[өңдеу | қайнарын өңдеу]-
Айнтрахт стадионының сыртқы көрінісі, 2006 жыл. -
Айнтрахт стадионы, 2010 жылғы реконструкцияға дейін. -
Басты кіреберіс, 2012–13 жылғы реконструкцияға дейін. -
Айнтрахт Брауншвейг көрермендері, 2007 жыл.
Дереккөздер
[өңдеу | қайнарын өңдеу]- ↑ European Athletics Team Championships: Braunschweig to host 2014, Cheboksary 2015 Мұрағатталған 6 қарашаның 2012 жылы.
- ↑ Historie Мұрағатталған 2 сәуірдің 2015 жылы.
|
Бұл — спорт құрылысы туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |