Айтолқын Несіпбекқызы Тұрғынбаева

Айтолқын Несіпбекқызы Тұрғынбаева 1973 жылы 29 шілдеде Жамбыл облысы Жуалы ауданының Бурное стансасында туған. Қазақ. Әкесі - Тұрғынбаев Несіпбек Тұрғынбайұлы. Анасы - Сейітқасымова Ботагөз Әшірбайқызы. А.В. Селезнев атындағы Алматы хореографиялық училищесін (1991); Т. Жүргенов атындағы Қазақ ұлттық өнер академиясын (2003) бітірген. 1993 жылдан бері - ҚР Мемлекеттік академиялық би театрының балет әртісі. 1999 жылдан бері - ҚР Мемлекеттік академиялық би театрының жанындағы балеттік мектеп-студияның (қазіргі «Қазақстанның Ұлттық балеті» Қорының) педагогы. «Мәдениет қайраткері» құрмет белгісімен марапатталған. Е.П. Дягилев атындағы Халықаралық балет әртістері сайысының дипломанты (1992). Қазақстанның «Серпер» Жастар сыйлығының лауреаты. Барлық спектакльдер мен концерттік нөмірлерде өнер көрсетеді: «Аққу көлі», «Пахита», «Шыңғысханның құштарлық агониясы», «Биле, менің Эсмеральдам», «Паганини тақырыбына рапсодия», «Чайковскийдің I концерті», «Рахманиновтың II концерті», «Гәк-ку» және т.б. Діни көзқарасы - барлық діндерге құрметпен қараймын. Саяси қайраткер ретіндегі идеалы - Н.Ә. Назарбаев, В.В. Путин. Қазақстанның болашағы туралы болжамы - «Экономикасы дамыған, саяси тұрақты, жоғары мәдениетті ел». Хоббиі - отбасымен табиғат аясына серуендеу. Сүйіп оқитын әдебиеті - Б. Акунин, П. Коэльо. Тұрмыс құрған. Жұбайы - Зырянов Антон Александрович. Қызы - Зырянова Алина Антоновна (2005 ж. т.).