Айыртау тау сілемдері

Уикипедия — ашық энциклопедиясынан алынған мәлімет
Jump to navigation Jump to search

АйыртауҚарағанды облысының жеріндегі тау сілемдері. Оның бір бөлігі Қарқаралы ауданындағы Қарасор көлінен (солтүстік бағытында) 10-15 км жерде орналасқан. Ұзындығы 50 км, ені 10 км, абсолют биіктігі 814 м (Шарықты шоқысы). Девон жыныстарынан тұрады. Күңгірт қарақоңыр топырағында тобылғы, аласа қараған, бетеге, сұлыбас, жусан т.б. өседі. Айыртаудың екінші бөлігі Ақтоғай ауданындағы Талдыөзен, Қызылқой мен Бабан бастаулары аралығында орналасқан. Ұзындығы 7-8 км, абсолют биіктігі 894 м. Таскөмір дәуірінің гранитоидтарынан тұрады. Қиыршықты күңгірт қарақоңыр топырағында сұлыбас, қызғылт селеу, бұталар өседі. Етегінде бұлақтар жиі кездеседі.

Дереккөздер:[өңдеу]

Қазақ энциклопедиясы I том