Мазмұнға өту

Академияның балалар сыйлығы

Уикипедия — ашық энциклопедиясынан алынған мәлімет
Академияның балалар сыйлығы
Шынайы атауы ағылш. Academy Juvenile Award
Мемлекет  АҚШ
Түрі Арнайы марапат (миниатюралық мүсінше)
үшін марапатталады Кино өнеріне қосқан айрықша үлесі үшін жасөспірім актерлерге
Негіздеуші Кинематографиялық Өнер және Ғылым Академиясы
Жағдайы тоқтатылған
Негізделді 1935
Алғашқы иегері Ширли Темпл (1935)
Соңғы иегері Хейли Миллс («Поллианна», 1961)
Сайты oscars.org

Академияның балалар сыйлығы (ағылш. Academy Juvenile Award) — Кинематографиялық Өнер және Ғылым Академиясының 1935 пен 1961 жылдар аралығында берілген арнайы құрметті марапаты. Сыйлық киноматография саласында ерекше жетістік көрсеткен, экранда өзіндік шеберлігімен көзге түскен 18 жасқа толмаған үздік жас актерлер мен актрисаларға табыс етілді.[1][2]

Бұл марапаттың басты ерекшелігі — жеңімпаздарға дәстүрлі «Оскар» мүсіншесінің орнына оның кішірейтілген миниатюралық нұсқасы берілетін.[3] Сыйлық тұрақты номинация ретінде емес, Академияның Басқармалар кеңесінің шешімімен лайықты үміткерлер болған жағдайда ғана тапсырылып отырды. 1962 жылдан бастап бұл категория жойылып, жас актерлер ересектермен бірдей жалпы номинациялар бойынша бақ сынау мүмкіндігіне ие болды.

Академияның балалар сыйлығының иегерлері 1935 — 1961
Жылы Рәсім Есімі Жасы Марапаттау себебі
1935 7-ші Ширли Темпл 6 жас Ширли Темплге, 1934 жыл ішінде экрандық ойын-сауық саласына қосқан айрықша үлесін ризашылықпен мойындау ретінде.
1939 11-ші Дина Дурбин 17 жас Дина Дурбин мен Микки Руниге жастық рухы мен бейнесін экранға шығарудағы елеулі үлестері үшін және жас актерлер ретінде қабілет пен жетістіктің жоғары стандартын орнатқаны үшін.
Микки Руни 18 жас
1940 12-ші Джуди Гарленд 17 жас Джуди Гарлендке өткен жылғы жас экран шебері ретіндегі үздік өнері үшін.
1945 17-ші Маргарет О'Брайен 8 жас 1944 жылдың үздік бала актрисасы Маргарет О’Брайенге.
1946 18-ші Пегги Энн Гарнер 14 жас 1945 жылдың үздік бала актрисасы Пегги Энн Гарнерге.
1947 19-шы Клод Джарман (кіші) 12 жас 1946 жылдың үздік бала актері Клод Джарманға (кіші).
1949 21-ші Иван Яндл 12 жас Иван Яндлға «Іздеу» фильміндегі Карел Малик рөлін үздік орындағаны үшін (1948 ж. жасөспірімдер арасындағы үздік өнер).
1950 22-ші Бобби Дрисколл 13 жас 1949 жылдың үздік жас актері Бобби Дрисколлға.
1955 27-ші Джон Уайтли 10 жас Джон Уайтлиге «Кішкентай ұрылар» фильміндегі үздік өнері үшін.
Винсент Уинтер 7 жас Винсент Уинтерге «Кішкентай ұрылар» фильміндегі үздік өнері үшін.
1961 33-ші Хейли Миллс 14 жас Хейли Миллске «Поллианна» фильміндегі 1960 жылдың ең үздік балалар рөлі үшін.

Дереккөздер

[өңдеу | қайнарын өңдеу]
  1. Honorary Award. Oscars.org.
  2. 7th Academy Awards. Oscars.org.
  3. Oscar Statuette: Legacy. Academy of Motion Picture Arts and Sciences.