Акоста

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Акоста (дұрысы — да Коста) Уриель (1585 — 1640 жылдар) — Голландияның рационалист-философы, Португалияда дүниеге келген. Коимбрдегі университетті бітірген. 1614 жылы Нидерландыға қашып барды, мұнда христиан дінінен иудаизмге көшті. Көп ұзамай еврейлердің діни догмаларына қарсы шығып, фарисейлерді (раввиндерді) Моисейдің дін ілімін бұрмалады деп айыптады. 1628 жылы "Адам жанының өлетіндігі туралы" трактат жазды, онда жанның мәңгі өлмейтіндігі мен о дүниедегі өмір туралы түсінікті теріске шығарды. Өзінің көзқарастары үшін екі мәрте синагогтардан аластатылды. (1623 және 1633 жылдары) Раввиндер мен Нидерланд өкімет органдарының қудалауына шыдай алмай, өзін-өзі өлтірді. Оның "Адам өмірінің үлгісі" деген шығармасында адамдарға туа бітетін өзіне тән табиғат заңы идеясы баяндалған. Бұл заң адамдарды бір-біріне деген сүйіспеншілік арқылы байланыстырады және жақсылық пен жамандықты ажырату үшін негіз болмақ. Акоста идеялары Спинозаға ықпал етті.[1]


Дереккөздер[өңдеу]

  1. Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7