Алдан Зейноллаұлы Сымайылов

Алдан Зейноллаұлы Сымайылов (1946 ж .т.), жазушы . Қазақстан Жазушылар одағының мүшесі. Жаңаарқаның түлегі. ҚазМУ- ді бітірген (1970) . 1970-1989 ж . Алматы облыстық «Жетісу» газетінің әдеби қызметкері, Целиноград облысы радиосының тілшісі, Целиноград облысында «Коммунизм нұры» газетінің әдеби қызметкері, бөлім меңгерушісі болып істеді. 1989 ж. Республикада алғашқы құрылған Тіл және мәдениет қоғамының төрағасы болып сайланды. Ақмола облысында «Қараөткел» газетін ұйымдастырып, оның бас редакторы болды. Ақмола облысы телерадио компаниясы төрағасының орынбасары болып қызмет атқарды. ҚР Жазушылар одағы Астана бөлімшесінің төрағасы (2006). Оның «Ақ жалын», «Тамыздың таңы» , «Найзақара», «Сағынтып жеткен көктем» кітаптарын оқырмандар жылы қабылдады.