Алдыңғы командалық пункт

Алдыңғы командалық пункт (АКП) — құрлық әскерлерінің құрамаларында шабуыл кезінде орналасатын басқару пункттер түрлерінің бірі. Шешуші соққы бағытында әрекет етуші бірінші эшелон бөлімдерінен тікелей кейін орналасады және ұрыс кезінде негізгі командалық пункттерден оларды басқару қиын немесе мүмкін емес болғанда басқарудың оралымдылығын жақсартуға арналады. Алдыңғы командалық пункт құрамына әдетте, құрама командирінің орынбасары және штаб, әскер тектері мен қызметтерінің офицерлері кіреді. Алдыңғы командалық пункт КП-пен, сонымен қатар бағынышты бөлімдер мен белімшелердің басқару пункттерімен үздіксіз байланыста болады. Қажет болған жағдайда, құрама командирі алдыңғы командалық пунктке көшеді.