Александр Александрович Алехин

Александр Алехин
Александр Александрович Алехин
Мемлекеттер	Ресей империясы  РКФСР  Франция
Туған күні	31 қазан 1892 (1892-10-31)
Туған жері	Мәскеу, Ресей империясы
Қайтыс болған күні	24 наурыз 1946 (1946-03-24) (53 жас)
Қайтыс болған жері	Эшторил, Португалия
Марапаттары мен сыйлықтары	Шахматтан әлем чемпионы 1927—1935 1937—1946
Александр Алехин Ортаққорда

Александр Александрович Алехин (31.10.1892, Мәскеу, — 24.3.1946, Эшторил, Португалия; Парижде жерленген) — орыс шахматшысы, шахматтан 4-дүниежүзі чемпионы (1927 — 35, 1937 — 46), шахмат теоретигі, әдебиетші, заң ғылымдарының докторы. Шахмат жарыстарына 12 жастан, ал халықаралық деңгейде 16 жасынан бастап қатынасқан. 1908 ж. Мәскеуде Б.Блюменфельдпен ойнап, оны 4,5:0,5 есеппен жеңді. Сөйтіп Мәскеу шахмат үйірмесінің турнирінде 1-орынды иеленіп, Бүкілресейлік шахмат турниріне жолдама алды. 1927 жылы Х.Р.Капабланкамен кездесті. Ол матчта ойналған 35 партияның 25-інде тең түсіп, 6 рет жеңіп, 3 рет жеңіліп, 18,5:15,5 есебімен жеңіске жетті, сөйтіп дүниежүзінің ең күшті шахматшысы атанды. Ол Будапеште (1921), Баден-Баденде (1925), Кечкеметте (1927), Сан-Ремода (1930), Бледте (1931), Лондонда, Бернде, Пасаденада (1932), Парижде (1933), Цюрихте (1934), Эрсбруда (1935) өткен халықар. турнирлердің жеңімпазы болды. 1935 жылы М.Эйвемен кездесуде Дүниежүзі чемпионы атағынан айырылды, 1937 жылы қарымта қайтару кездесуінде одан чемпиондық тәжді қайтарып алды. Алехин айқын комбинациялық ойынды дамытқан шахматшы. Ол позициялар динамикасын дәл түсіне білді, үнемі толыққанды, салмақты ойынға талпынды. Сондай-ақ Алехин шахмат мәселелері теориясының негізін жасап, оны іс жүзіне асырды.

Дереккөздер

Ізашары: Хосе Рауль Капабланка	Шахматтан әлем чемпионы 1927—1935	Ізбасары: Макс Эйве
Ізашары: Макс Эйве	Шахматтан әлем чемпионы 1937—1946	Ізбасары: Михаил Ботвинник