Александр Александрович Колчин

Уикипедия — ашық энциклопедиясынан алынған мәлімет
Jump to navigation Jump to search

Александр Александрович Колчин(5.9.1922, Ресей, Ленинград облысы,Новая Ладога қаласы - 14.6.1973) - 2-дүниежүзілік соғысқа қатысушы, гвардия сержанты, байланысшы. Колчин Колчиннің отбасы Шығыс Қазақстан облысындағы Риддер қаласына қоныс аударған. Кен-металлургия техникумында окып жүргенде 1941 жылы қыркүйекте Кеңес әскері қатарына шақырылды. 1943 жылы шілдеден майданда байланыс әскерлерінің қата- рында ұрыстарға қатысты. Ол 47-армия командованиесінің Днепр өзенінен өтуде бөлімше- лер арасындағы телефон байланысын қамтамасыз етті. 1943 жылдың 19 қазанында жаудың бораған артиллерия мен миномет оғынан кабель линиясы үзілді. Жау оғының астында суға сүңгіп жүріп, кабельдің үзілген жеріп тауып жалғады. Байланыс қалпына келді. 20 қазанда жаудың 130 ұшағы Кеңес әскері командованиесінің бақылау пункті тұрған 175,9 биіктігіне тұтқиылдан шабуыл жасады. Бірнеше байланысшы қаза тауып, тү- зілген байланысты Колчин тез арада жалғап отырды. Ол өз полкімен Польшаны азат етіп, Берлин қаласына шабуыл жасауға қатысты. Соғыс кезінде көрсеткен ерлігі үшін Колчинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (10.1. 1944). Соғыстан кейін 1945 жылы Мәскеуде Қызыл Алаңдағы Жеңіс шеруіне қатысты. 1946 жылы желтоқсанда Колчин еліне оралып, Ленинград қаласында (қазіргі Санкт- Петербург қаласы) тұрды. [1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х