Александр Васильевич Васильев

Уикипедия — ашық энциклопедиясынан алынған мәлімет
Jump to navigation Jump to search

Александр Васильевич Васильев(23 ақпан 1861 жылы, Татарстан, Қазан губерниясы, Чебоксары уезі, Шутнерев селосында туған – 23 қазан 1943 жылы, Қазан қаласында қайтыс болған) – қазақ ауыз әдебиетін жинаушы, миссионер.

Алғашында Чебоксары діни училищесінде, кейін Қазанның діни академиясында оқыған (1882-86 жылдары). Орынбор діни семинариясында дәріс берді. Торғай облысы халық мектептерінің Ы. Алтынсариннен кейінгі инспекторы (1889–94 жылдары), Орынбордағы Торғай облысы басқармасының кеңесшісі (1894 жылдан), 10 жыл бойы «Торғай» газетінің редакторы, Орынбор губерниясы, Торғай және Орал облыстарында оқу инспекторы (1906–09 жылдары), т.б. қызметтер атқарды. Васильев қазақ халқының ауыз әдебиеті, тілі жөнінде көптеген зерттеулер жүргізді. Ол жинаған бірнеше ауыз әдебиеті үлгілері «Торғай» газетінде жарық көрді. Васильев Торғайдағы ағарту ісінің тарихымен, өмірінің соңғы жылдары нумизматикамен шұғылданды. Қазақ мектептерінде пайдаланылатын орыс тілі оқулықтарын жазды. Онда қазақ балаларын орыстандыру мақсаты айқын көрінеді.[1][2]

Дереккөздер[өңдеу]

  1. “Қазақ Энциклопедиясы”, 2 том
  2. “ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6