Александр Викторович Беляков

Үлгі:Infobox Александр Викторович Беляков (1967) – әскери дирижер, полковник (2004), ҚР-інің еңбек сіңірген қайраткері (2005). 1990 жылы Мәскеу мемлекеттік консерваториясының әскери дирижерлік бөлімін бітірген. Сол жылдан бұрынғы Орта Азия әскери округіне қарасты Алматы қаласындағы И.В. Конев атындағы жоғары әскери командалық училищесінің (кейіннен Алматы әскери гарнизонының) дирижер бастығы болды; 1994 жылдан ҚР Қазақстан Республикасының Қорғаныс министрлігі қарамағындағы оркестрінің дирижер бастығы ретінде жұмыс істейді. 2001 жылдан Қазақ ұлттық консерваториясында педагог қызметпен де (2006 жылдан аға оқытушы, 2007 жылдан доценті) айналысады. Алматы және Астана қалаларында өткізілген 6-әскери парадтың оркестріне дирижерлік еткен. Гастрольдік сапармен Тайваньда (1997 – 98, 2000 – 01) болған. Азия және Тынық мұхиты аймағы әскери музыка қауымдастығының Үрлемелі оркестр жетекшілері ассоциациясының мүшесі (ІMS; 1998 жылдан). Ресейдің Ұлы Петр ордені (2005) және медальдармен марапатталған.