Александр Иванович Романютин

Уикипедия — ашық энциклопедиясынан алынған мәлімет
Jump to navigation Jump to search

Александр Иванович Романютин(8.8.1924, Жамбыл облысы,Қордай ауданы,Қордай ауылы - 4.2.2006, Украина, Киев қаласы) - 2-дүниежүзілік соғысқа қатысушы, кіші лейтенант, 342-атқыштар полкінің взвод командирі,орыс.Кеңес әскері қатарына 1942 жылдың қыркүйегінде шақырылған. 1943 жылы Харьков артиллерия училищесін бітірді. Осы жылдың маусымында Ұлы Отан соғысына жіберілді. 1-Украина, 1 және 2-Беларусь, Воронеж майдандарында ауыр шайқастарда болды. Романютин 1943 жылы қазан айында Днепрдің оң жағалауындағы плаццармды кеңейту үшін болған ұрыста табандылық пен батылдық көрсетті. Жаудың жаяу әскерінің он шабуылын тойтаруға қатысты, өз батареясымен шебер маневр жасап, жауды тықсырып отырды. Днепрдің бойындағы көрсеткен ерлігі мен батырлығы үшін Романютинге КСРО Жоғарғы Кеңесі Төралқасының Жарлығымен Кеңес Одағының Батыры атағы беріліп, Ленин ордені мен «Алтын Жұлдыз» медалі қоса тапсырылды (9.2.1944). Соғыстан кейін Алматы қаласының көлік мекемелерінде жұмыс істеді. Одан соң өмірінің соңына дейін Киев қаласында құрылысшы-нұсқаушы болды. 1- және 2-дәрежелі Отан соғысы, «Қызыл Жұлдыз» ордендерімен және медальдармен марапатталған.[1]

Дереккөздер[өңдеу]

  1. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х