Александр Михайлович Анищенко

Уикипедия — ашық энциклопедиясынан алынған мәлімет
Jump to navigation Jump to search

Александр Михайлович Анищенко (6.11.1916 - 30.10. 1976, Ресей, Киров облысы Киров қаласы) - екінші дүниежүзілік соғысқа қатысушы, гвардия сержанты, минометшілер расчетінің командирі. Орыс. Кеңес әскері қатарына 1943 ж. Киров облысы Мурашин ауд. әскери комиссариатынан шақырылған. 1943 жылдың 26 қыркүйегінде артиллерияның және әуе күші қызметшілері үлкен шығынға ұшырады. Бұл шайқаста Анищенко басқарған минометшілер тобы көптеген гитлершілерді жойды. Неміс басқыншылары Днепр өзені жағалауынан өтіп бекініп қалмақ болып, 1943 жылдың 5 қазанында тағы да танк және әуе күшімен шабуылға кірісті. 209-гвардиялық жаяу әскер полкінің (Дала майданы, 7-армия, 73-гвардиялық жаяу әскер дивизиясы) миномет расчетінің командирі Анищенконың тобы жау танкілерін жойып, тойтарыс берді. 1943 жылдың 16 қазанында Бородаевка хуторындағы шайқаста Анищенко гранатамен бірнеше гитлершілерді жермен-жексен етті. Осындай ерліктері үшін КСРО Жоғары Кеңесі Төралқасының Жарлығымен Анищенкоға Кеңес Одағының Батыры атағы берілді (26.10.1943). Ленин орденімен, бірнеше медальдармен марапатталған. Соғыстан кейін ол Киров қаласында (Ресей) тұрды. [1]

Дереккөздер[өңдеу]

  1. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х