Александр Моисси

Уикипедия — ашық энциклопедиясынан алынған мәлімет
Jump to navigation Jump to search
Александр Моисси
Alexander Moissi
Сурет
Жалпы мағлұмат
Туған күні

2 сәуір 1880(1880-04-02)

Туған жері

Триест

Қайтыс болған күні

23 наурыз 1935(1935-03-23) (54 жас)

Қайтыс болған жері

Вена

Азаматтығы

 Аустрия
 Германия

Мамандығы

актер

IMDb

ID 0596218

Александр Моисси (нем. Alexander Moissi, алб. Aleksandёr Moisiu; 2 сәуір 1879, Триест — 23 наурыз 1935, Вена) — неміс және австриялық актер. Ұлты – албан.

Вена консерваториясында ән класы бойынша сабақ алып, «Бургтеатрда» қызмет етті. 1904 жылдан М. Рейнхардт басқарған труппада ойнады; ол осыдан кейін 20 ғасырдың алғашқы жартысындағы көрнекті сахна шеберлерінің санатына қосылды. 1905-33 ж. Берлиндегі Неміс театры мен «Каммершпиле» театрында актер болды. Актер өнері рольдің ішкі жан-дүниесін терең, жарқырата ашып көрсетуімен ерекшеленеді. Түрлену өнері мен мимиканың үздік шебері болды. Басты рольдері: Гамлет, Ромео, (Шекспир трагедияларында), Освальд (Ибсеннің «Елестерінде»), Протасов (Л. Н. Толстойдың «Тірі өлігінде»), Иванов (Чеховтың осы аттас пьесасында). Гастрольдік сапармен КСРО-да (19241925) өнер көрсетті. Театр өнері туралы мақалалар жазды. Фашистер билігі кезінде Германиядан кетуге мәжбүр болды. Өмірінің соңғы жылдарын Аустрияда, Италияда өткізді. Ол орыс совет театрын, К.С. Станиславский мен Мәскеу Көркем театрының қызметін жоғары бағалады.[1]

Дереккөздер[өңдеу]

  1. Қазақ совет энциклопедиясы 1976 жыл. / М.Қ.Қаратаев
Ортаққорда бұған қатысты медиа файлдар бар: Category:Alexander Moissi