Алексеев каолин кен орны
| Алексеев каолин кен орны | |
| 52°02′56″ с. е. 70°58′28″ ш. б. / 52.0489012° с. е. 70.9744263° ш. б. (G) (O) (Я)Координаттар: 52°02′56″ с. е. 70°58′28″ ш. б. / 52.0489012° с. е. 70.9744263° ш. б. (G) (O) (Я) | |
| Ел |  Қазақстан |
| Аймақ | Ақмола облысы |
| Ашылған уақыты | 1982 жыл |
Алексеев каолин кен орны - Ақмола облысы Ақкөл қаласы жанындағы ірі кен орны.
Геологиялық құрылымы[өңдеу | қайнарын өңдеу]
Ол Қырыққұдық (жоғарғы ордовик – төменгі силур) және Бурабай – төменгі девон интрузивтері түйіскен жердегі мезозойлық үгілу қыртысынан орын алған. Кварцты диориттер, граниттер мен сазды тақтатастардың үгілуінен пайда болған бастапқы каолин қабатының қалыңдығы бірнеше см-ден 77 м-ге, ал ауданы 123 км2-ге дейін жетеді. 3 телімде каолин кенінің 9 линзасы бар.
Жатыс сипаты[өңдеу | қайнарын өңдеу]
Каолиннің түсі ақ, отқа төзімділігі 1740°С. Құрғақ, ылғалды күйінде байытуға болады. Концентрат шығымы 46,3 – 86,7%. Байытылмаған каолиннен отқа төзімді бұйымдар, ақ және түсті цемент алуға болады. Байытылған каолин нәзік керамика, санитарлық-техникалық, фаянс бұйымдарын, құрылыс плиталарын, жоғары сортты қағаз, кабель, резина, т.б. материалдар жасауға жарамды. Жылына 1 млн. т-дан аса каолин өндіретін карьер бар. Ол Астана, Қарағанды керамика зауыттарын, Павлодардың 2 целюлоза-қағаз және Төменгі Тагилдің (Ресей) металлургия комбинаттарын шикізатпен қамтамасыз етеді. [1]