Алексей Юрьевич Полтаранин

Уикипедия — ашық энциклопедиясынан алынған мәлімет
Jump to navigation Jump to search

Алексей Юрьевич Полтаранин (1987 жылы 29 сәуірде Шығыс Қазақстан облысы Лениногор қаласы) - қазақ шаңғышысы. Италияның Валь-ди-Фьемме деген курортында шаңғы спорты түрлерінен ХХХІХ әлем чемпионатында 2013 жылы екі қола жеңген, ал 2010 жылы Әлем кубогынын Давос қаласында жеңген.

Өмірбаяны[өңдеу]

Қазіргі кезде С. Аманжолов атындағы Шығыс Қазақстан мемлекеттік университетінде оқиды.

1994 жылдан - Риддер қаласы «Шығыс Қазақстан облысы қысқы спорт түрлері бойынша жоғары спорттық шеберлік мектебінің» шаңғы жарысының спортшысы.

1998 жылдан бері - республикалық жарыстардың қатысушысы. 2001 жылдан бері жасөспірімдер арасындағы Әлем чемпионатында ойын көрсетеді.

Эстафеталық жарыста жасөспірімдер арасындағы әлем чемпионы (Норвегия, 2004); Италияда өткен Қысқы олимпиада ойындарының қатысушысы (Турин, 2006); VI қысқы Азия ойындарының спринттен күміс жүлдегері (Қытай, Чангчун, 2007); еркін үлгідегі 10 км қашықтықтан күміс жүлдегер (Италия, 2007); Италияда өткен Бүкіләлемдік универсиада және Әлем чемпионатының қатысушысы (2007); жастар арасындағы Әлем чемпионатының шаңғы жарысында 15 км классикалық сырғанаудан күміс жүлдегер (Италия, 2008); Әлем чемпионатының 15 км қашықтықтағы еркін жүрістен 23 жасқа дейінгілер санатындағы күміс жүлдегер (Франция, 2009); Әлем чемпионатының қатысушысы, ҚР II Қысқы спартакиадасының чемпионы, күміс, екі мәрте қола жүлдегері. Ванкувер қаласында өткен Олимпиадада 5-ші орынға ие болған (Канада). VII Азиада ойындарының чемпионы (Астана, Алматы, 2011) шаңғы жарыстарында (спринт 1,6 км), 2x3 шаңғы жарысындағы командалық спринтте, 4x10 км эстафетадағы шаңғы жарыстарында, 30 км-лік марафонда, 10 км-лік классикалық стильдегі шаңғы жарыстарының қола жүлдегері. Шаңғы жарысынан халықаралық санаттағы спорт шебері (2004).[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалықаласы Алматы, 2011 жыл. ISBN 978-601-278-473-2