Алифиренко Юрий Михайлович

Юрий Михайлович Алифиренко (13.04.1965 ж., Хромтау қаласы) - бокстан КСРО чемпионы. Ол 10 жасынан бокспен айналысты. 1978 жылы Қостанай қаласында өткен спорт мектептері аралық жарыста Қазақстан чеспионы болды. 1981 жылы Могилев қаласында жасөспірімдер арасындағы біріншілікте КСРО чемпионы тұғырына көтерілді. 1982 жылы Минск қаласында Еуропа біріншілігіне (67 кг салмақта) қатысып, «Теміржолшылар» спорт қоғамы арасындағы чемпион атанды. Одақтық құрама командаға қабылданды .1982-84 жылдары әскерге алынып, спортшылар ротасында қызмет етті. Финляндия, Германия, Испания, Куба, Африка елдерінде өткен Халықаралық турнирлерінде жеңімпаз атанды, бірнеше рет алтыннан алқа тақты. Қазір Мәскеу қаласында балалар мен жасөспірімдер спорт мектебінде жаттықтырушы.