Алмас Қажыбайұлы Темірбай
| Алмас Темірбай | |
| Туған күні | |
|---|---|
| Туған жері | |
| Азаматтығы | |
| Ұлты | |
| Жанры | |
Темірбай Алмас Қажыбайұлы (22 қаңтар 1979, Ақмола облысы, (бұрынғы Көкшетау облысы), Зеренді ауданы, Ортақ ауылы) — ақын, жазушы, журналист, өлкетанушы, «Қазақстан Республикасының еңбек сіңірген қайраткері».
Өмірбаян
[өңдеу | қайнарын өңдеу]Қазақстан Жазушылар одағының Ақмола облыстық филиалының директоры. Қазақстан Жазушылар одағының (2001), Қазақстан Журналистер одағының (2005) мүшесі.
Әл-Фараби атындағы ҚазҰУ-дың журналистика факультетін (2000), Көкшетау университетінің саясаттану факультетін (2004) бітірген.
Еңбек жолын 16 жасында бастаған ол облыстық «Көкшетау» газетінде тілші (1995 – 1998), аудандық «Бурабай» газетінде редактордың орынбасары (1998 – 1999), қалалық «Көкшетау» газетінде шолушы (1999 – 2003), республикалық «Алаш үні» газетінде бас редактордың орынбасары, кейін бас редакторы (2003 – 2006), облыстық «Арқа ажары» газетінде мәдениет және руxаният бөлімінің меңгерушісі (2006 – 2008) болып қызмет атқарған. 2008 жылдан Ақмола облыстық «Көкшетау» журналының бас редакторы, 2010-2013 жылдары Ақмола облыстық мәдениет басқармасының Халық шығармашылы орталығының бас редакторы, 2017-2021 жылдары Қазақстан Жазушылар одағының Ақмола облыстық филиалының директоры болып қызмет істеген. Алмас Темірбай 50 шақты облыстық, республикалық, xалықаралық поэзия байқауларының, мүшәйралардың жеңімпазы, жүлдегері.
Марапаттары
[өңдеу | қайнарын өңдеу]- Халықаралық «Шабыт» жастар шығармашылығы фестивалінің екі мәрте лауреаты және Гран-При жүлдесінің иегері.
- Қазақстан Жастар одағы «Серпер» сыйлығының лауреаты. (2008),
- Қазақстан Республикасы Үкіметінің "Дарын" мемлекеттік сыйлығы лауреаты.
- "ҚР Тұңғыш Президенті қоры" сыйлығының тұңғыш лауреаты (2009).
- ҚР Президенті стипендиясының 3 мәрте иегері. Төлеген Айбергенов атындағы әдеби сыйлықтың лауреты. (2019).
- Қазақтың көрнекті ақыны Жүрсін Ерман ұйымдастырған республикалық «Бір өлең – бір әлем» мүшәйрасына екі рет қатысып, ақпан айында І орынды иеленсе, қазан айында Бас жүлдені қанжығасына байлап, жеңіл автокөлікті жеңіп алған (2008).
- "Қазақстан Республикасының еңбек сіңірген қызметкері" (2020).
Шығармалары
[өңдеу | қайнарын өңдеу]Топтама өлеңдері «Қазақстан жас ақындар антологиясы», «Қос ішек», «Зеренді көктемі», «Жас толқын», «Сыр-сандықты ашып қара», «Ел жүрегіндегі Ес-аға», «Жыр өзегі ─ елдік, тіл, рух», 10 томдық «Жыр маржаны» және т.б. ұжымдық жыр жинақтарға жарық көрген.
«Аллажар», «Жұмақ жұрт», «Автопортрет», «Мың бір мұң», «Жекебатыр» атты өлең кітаптарының авторы. Алмас Темірбайдың өлеңіне жазылған әндер бүгінде Қазақстан эстрада жұлдыздарының орындауында айтылып жүр.
Рабиндранат Тагор, Жалаладдин Руми, Родари, Джанни, Сергей Есенин, Маяковский, Владимир Владимирович, Канапьянов, Баxытжан Мусаханович, Бочкарев, Сергей және қырғыз ақыны Калыбеков Нурлан өлеңдерін қазақ тіліне аударған.
Жарық көрген кітаптары
[өңдеу | қайнарын өңдеу]Топтама өлеңдері «Қазақстан жас ақындар антологиясы», «Қос ішек», «Зеренді көктемі», «Жас толқын», «Сыр-сандықты ашып қара», «Ел жүрегіндегі Ес-аға», «Жыр өзегі ─ елдік, тіл, рух», «Көкшетау жас ақындар антологиясы», үздік ақындардың 10 томдық «Жыр маржаны» атты қазақ поэзиясының антологиясында және т.б. ұжымдық жыр жинақтарға жарық көрген. Ол туралы мәліметтер «Қазақ әдебиеті энциклопедиясына», «Ақмола облысының энциклопедиясына» енген.
«Аллажар», «Жұмақ жұрт», «Автопортрет», «Мың бір мұң», «Жекебатыр» атты өлең кітаптарының авторы. Бірнеше өлеңі ҚР Білім және Ғылым министрлігі бекіткен орта мектептер бағдарламасына енген, мектеп оқулықтарында жарық көрген.