Алматының әкімшілік-аумақтық бөлінісі

Бүгінгі таңда Алматы қаласы 8 ауданнан тұрады: Алатау, Алмалы, Әуезов, Бостандық, Жетісу, Медеу, Наурызбай, Түрксіб.

Аудан аумағында әкімшілік функцияларды қалалық әкімдіктің бағынысындағы аудан әкімдігі атқарады.

Тарихы

Қазақ АКСР ОАК Президиумының шешімімен 1936 жылы 12 қыркүйекте қалада 4 аудан құрылады: Каганович, Ленин, Сталин, Фрунзе.

1957 жылы Каганович ауданы — Октябрь ауданы, Сталин ауданы — Совет ауданы болып өзгертіледі.

Қазақ КСР Жоғарғы Кеңесі Президиумының жарлығымен 1966 жылы Совет ауданының бір бөлігінен Калинин ауданы, ал 1972 жылы Ленин және Калинин аудандарының шағындалуы нәтижесінде Әуезов ауданы құрылады.

Қазақ КСР Жоғарғы Кеңесі Президиумы жарлығымен 1980 жылы 17 қазанда жаңадан тағы Алатау (Калинин және Әуезов аудандарының шағындалуы есебінен) және Мәскеу (Ленин, Октябрь және Фрунзе аудандарының шағындалуы есебінен) аудандары құрылады.

1982 жылдың басында Алматыда 8 аудан болды: Алатау, Әуезов, Калинин, Ленин, Мәскеу, Октябрь, Совет, Фрунзе. Кеңес заманында аудандардағы мемлекеттік билік органы халық депутаттарының аудандық кеңесі болды.

1995 жылы 12 желтоқсанда қаладағы Калинин ауданы — Бостандық, Ленин ауданы — Жетісу, Октябрь ауданы — Түрксіб, Совет ауданы — Алмалы, Фрунзе ауданы — Медеу ауданы болып өзгертіледі.

1997 жылы 28 қаңтарда Алатау және Мәскеу аудандары таратылады.^[1] 2008 жылы жаңа шекараларында Алатау ауданы қайта құрылады.^[2]

2014 жылы шілде айында XVIII ғасырда жоңғар басқыншыларына қарсы соғыстарға қатысқан қазақ батыры Наурызбай есімімен аталатын қаланың сегізінші ауданы құрылады.^[3]

Тізімі

Алматының әкімшілік-аумақтық бөлінісі
Атауы	Әкімі	Аумағы, км²	Халқы, ад. (2019)	Халқының тығыздығы, ад./км²	Құрылған уақыты
Алатау ауданы	Азамат Бескемпірұлы Қалдыбеков	104,95	260 441	2 482	2008
Алмалы ауданы	Ержан Іргебайұлы Сейтенов	18,2	215 768	11 727	1936
Әуезов ауданы	Сайран Тәпенұлы Сайфеденов	23,5	295 543	12 576	1972
Бостандық ауданы	Алтай Ерғазыұлы Рахимбетов	99,43	343 541	3 456	1966
Жетісу ауданы	Гүлнар Ахметжанқызы Көкебаева	39,6	166 001	4 192	1936
Медеу ауданы	Еркебұлан Нұрланұлы Оразалин	253,4	209 836	828	1936
Наурызбай ауданы	Санжар Әділұлы Тоғай	69,67	128 169	1 840	2014
Түрксіб ауданы	Бақытжан Қожанбердіұлы Ақжаров	75,75	235 357	3 107	1938

Дереккөздер

[1] Алматы қаласының Алатау мен Мәскеу аудандарын тарату туралы

[2] Алатау ауданын құру және Алматы қаласы аудандарының шекараларын орнату туралы

[3] Наурызбай ауданын құру және Алматы қаласы аудандарының шекараларын белгілеу туралы

[1]

[2]

[3]