Алматы мектеп оқушылары сарайы
| Алматы мектеп оқушылары сарайы | |
 | |
| Жалпы мәлімет | |
|---|---|
| Статусы |
жергілікті маңызы бар сәулет ескерткіші |
| Мекен жайы |
Достық даңғылы, 114 |
| Орналасқан қала | |
| Мемлекет | |
| Құрылысы басталды |
1979-1981 |
| Ашылған уақыты | |
| Дизайны мен құрылымы | |
| Сәулетшісі |
В.Н. Ким, А.П. Зуев, Т.С. Әбілдаев, Ю.М. Локтев, Е.В. Средников |
| Басқа да дизайнерлер |
Б.К. Мүсірғалиев, А.Г. Алексеев, С. Касканов |
| Картада орналасуы | |
|
| |
Координаттар: 43°14′15″ с. е. 76°57′32″ ш. б. / 43.23750° с. е. 76.95889° ш. б. (G) (O) (Я)
Алматы мектеп оқушылары сарайы – Алматы қаласының жергілікті маңызы бар тарих және мәдениет ескерткіштерінің мемлекеттік тізіміне енген сәулет өнері ескерткіші.
Орналасқан жері
[өңдеу | қайнарын өңдеу]Алматы қаласы, Достық даңғылы, 114.
Құрылыс мерзімі және авторлары
[өңдеу | қайнарын өңдеу]Салынуы – 1979-1981 жылдар. Авторлар ұжымы: сәулетшілер – В.Н. Ким, А.П. Зуев, Т.С. Әбілдаев, Ю.М. Локтев, Е.В. Средников; конструкторлар – Б.К. Мүсірғалиев, А.Г. Алексеев, С. Касканов.
Сәулеттік сипаты
[өңдеу | қайнарын өңдеу]Балалар орталығына кіретін негізгі орындар: қысқы бау; диаметрі 7 м, салмағы 3,5 т 288 шамы бар алып люстралы салтанат залы; киімдік орналасқан кіреберіс бөлмелер тобы; 800 орындық көрермендер залы; үйірме бөлмелері тобы; көлемі 1104 м3 спорт бөлмелері тобы (жүзу бассейні, спорт залы), т.б. қосалқы құрылыстар.
Конструкциялық шешіміне жылжыма қалыпты тұтас темір-бетон пайдаланылған. 9 балл жер сілкінісі болу қаупі бар аймақта тұңғыш рет ұзындығы 9 және 12 м-лік жабын плиталары қолданылып, ол жоспарлық шешімді ұтымды пайдалануға мүмкіндік туғызған.
Ғимаратты әрлеу ісінде маңғыстау ұлутасы, қаратаудың мәрмәры, қордайдың граниті, ақ бор, кейбір бөлмелер жабынына ерекше қабыршақты плиталар қолданылды. Сарай 2900 орынға есептелген.
Ғимараттың архитектуралық композициялық шешімі өзіндік ерекшелігімен көз тартады. Жоба құрылымы бұранда ырғақ пішінді болып келген. Соның арқасында ғимарат бай көлемдік және жарық құбылысы пластикасына ие болған. Құрылыстың орталық бөлігі ғимаратқа сәнді сипат беретін күмбезбен көмкерілген.
Күмбездің сол жағында биіктігі 40 м обсерватория мұнарасында екі қанатқа жайыла жатқан спираль тәрізді құрылыстар түйіседі.[1]
Дереккөздер
[өңдеу | қайнарын өңдеу]- ↑ Қ 18 Қазақстан архитектурасы – Архитектура Казахстана. – Алматы, «Өнер», 2013. т. 9. – 192 б. – қазақша, орысша. ISBN 978-601-209-212-7