Алматы мұражайы
| Алматы мұражайы. | |
|---|---|
| |
| Құрылған уақыты | 2001 жылы |
| Орналасқан жері | Алматы қаласы, Қабанбай батыр көшесі, 132. |
Алматы мұражайы – Алматы қаласының жергілікті маңызы бар тарих және мәдениет ескерткіштерінің мемлекеттік тізіміне енген сәулет өнері ескерткіші.
Орналасқан жері
Алматы қаласы, Қабанбай батыр көшесі, 132.
Тарихи деректер, сипаты
Мұражай ғимараты 1892 жылы тұрғызылған бұрынғы Верный жетімдер үйі, оның авторы – сәулетші Поль Лионель Базиль Гурдэ.
Алматы мұражайы 2001 жылы құрылып, қаланың мыңжылдық тарихына арналып ашылды. Мұражай Жетісудың және Алматының, оның айналасындағы агломерацияларының ежелгі мәдениетінен бастап қазіргі уақытқа дейінгі осы жермен байланысты сауда және мәдени қарым-қатынастары, соғыстар мен айтулы оқиғалар, танымал өнер туындылары туралы хабарлайды.
Үлкен ғылыми және мәдени-білім беру орталығы бола тұра, қазір Алматы мұражайы саны 40 000 затқа жететін әсерлі тұрақты экспозиция мен қорға ие. Олар – тарихи және археологиялық артефакттар, бейнелеу өнері туындылары, сирек этнографиялық құжаттар, нумизматикалық жинақ, фото және видео архивтер.
Музейде барлығы он бір тарихи және мәдени кезеңдер мен залдар көрсетілген: "Ежелгі және ортағасырлық Апматы", "Қазақ мемлекеттігінің бастауында", "Жетісу этнографисы", "Апматы тарихының Верный кезеңі", "Апматы XX ғасырда", "Кәсіби өнердің дамуы", "Альпинизм", "Желтоқсан", "Алматы -Тәуелсіздіктің алтын бесігі", "Рухани жаңғыру".
2016 жылы музей XIX ғасырдың тарихи ескерткіші болып табылатын өзінің тұрақты ғимаратына көшірілді.[1]
Дереккөздер
- ↑ Қазақстанның тарихи-мәдени нысандарының және жаппай зиярат ету орындарының альбомы. - Астана: ҚазҒЗМИ, 2018. - 496 бет. ISBN 978-9961-23-485-9