Алматы облыстық филармониясы

Уикипедия — ашық энциклопедиясынан алынған мәлімет
Jump to navigation Jump to search

Алматы облыстық филармониясы, Алматы мемлекеттік облыстық филармониясы — концерттік ұйым. 1973 ж. құрылған. Алматы облыстық филармониясының негізін “Алматы әуендері” ансамблі құрады. Онда “Майра” атты вокальды-аспаптық қыздар ансамблі, “Әсем” эстрадалық ансамблі, эстрада-цирк өнерінің артистері және домбырашылар тобы жұмыс істеді. Ал 80-жылдарда филармония құрамы ұлғайып, оған “Алтынай” би ансамблі (1985), “Адырна” фольклорлық-этнографиялық ансамблі (1985), “Арқас” пен “Медеу” вокальды-аспаптық ансамбльдері (1985) және “Сазген” фольклорлық-этногр. халық ансамблі (1981) қосылды. Алматы облыстық филармониясы құрамында Қазақстан Республикасының еңбек сіңірген артистері М.Е.Ералиева, Н.Қ.Есқалиева, А.Е.Сембин, Т.О.Ізімова т.б. жұмыс істеген. Филармония көрермендер арасында музыка ағарту жұмыстарын жүргізеді, концерттер, лекциялар өткізеді. Алматы облыстық филармониясының шығармашылық топтары шетелдерде болып, өнер көрсетті.[1][2]

Дереккөздер[өңдеу]

  1. Қазақ ұлттық энциклопедиясы
  2. Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8