Алматы пауэрконсолидейтэд

"Алматы пауэрконсолидейтэд" ("АПК") - Ал­маты қаласы мен Алматы облысына электр қуаты мен жылу беретін жабық акционерлік қоғам, дүние жүзінің бірнеше еліңде электр қуатын өндірумен және тұрмыстық, өнеркәсіптік мақсаттарда газды пайдаланумен айналысатын халықаралық "Трактабель" компаниясының еншілес кәсіпорны. 1996 жылы тамызда Қазақстан үкіметі мен "Трактабель" компаниясы арасында жасалған "Алматыэнерго" өңдірістік энергетикалық бірлестігінің активтерін (барлық материалдық құндылықтар, қаржы, т.б.) сатып алу туралы келісімшартқа сәйкес құрылды. "АПК" Қазақстанның оңтүстік өңіріндегі газды ең көп тұтынатын кәсіпорын. Мұнда барлық қуат өндіретін станцияларды газтұғынуға көшіріп және оның көлемін жылына 1,5 млрд. куб м-ге жеткізу көзделіп отыр. Компания бөлімшелерінің құрамына Алматы облысындағы аумағы 85000 км² электр қуаты мен жылу өнді­ретін және тарататын обьектілер кіреді. 583944 электр тұтынушыға және 205000 жылу тұтынушыға қызмет көрсетеді. 8500 адам еңбек ететін компанияның су және жылу электр станциялары 1307 МВт электр қуатын және 3000 МВт жылу қуатын өндіре алады.