Алматы теледидар мұнарасы
Навигацияға өту
Іздеуге өту
| Алматы теледидар мұнарасы | |
 | |
| Жалпы мәлімет | |
|---|---|
| Қолданылуы | |
| Орналасуы | |
| Құрылысы басталды |
1975 |
| Құрылысы аяқталды |
1982 |
| Биіктігі |
371,5 м |
| Техникалық сипаттамасы | |
| Лифтілер |
2 |
| Дизайны мен құрылымы | |
| Сәулетшісі |
Н.Г. Терзиев, А.Н. Савченко |
| Картада орналасуы | |
|
| |
Координаттар: 43°13′42″ с. е. 76°58′34″ ш. б. / 43.22833° с. е. 76.97611° ш. б. (G) (O) (Я)
Алматы теледидар мұнарасы — радио-теледидар хабарларын тарататын станса кешені.
Тарихы[өңдеу | қайнарын өңдеу]
1975 — 84 жылдары Алматы қаласының географиялық ең жоғарғы нүктесі, теңіз деңгейінен 1000 м биік Көктөбе беткейіне, сейсмикалық жағынан өте берік етіп (10 баллдық жер сілкінісіне төтеп береді) салынған. Сәулетшілері: Н.Г. Терзиев, А.Н. Савченко; конструкторлары: Н.К. Акимов, Б.В. Остроумов.
Техникалық сипаттамасы[өңдеу | қайнарын өңдеу]
- Мұнараның биіктігі 372 м, онда екі жүрдек лифт және арнаулы жүк көтергіш механизм жұмыс істейді. Темір-құйматасты іргетасы (көлемі 15 мың м²), биіктігі 20 м үш қабатты секциялы жертөледен және биіктігі 12 м екі қабатты техникалық үйден тұратын біртұтас қорапты құрылым.
- Діңгегінің металл бөлігі 18,5 м профильді анодталған алюминий панельдермен қапталып, кейбір тұстары шыны витражбен бөлінген. 146 м биіктігінде қала көркін тамашалауға арналған алаң бар.
- 252 м биіктікте антенналық-фидерлік жүйелерді техникалық қадағалау қызметі бөлімі орналасқан.
- Мұнара биіктігі 114 м секциялы металл антенна этажеркасымен бітеді. Әр секцияда теледидар мен радио хабарын таратуға арналған антенналар бар. Ол антенналар арқылы 80-190 км радиуста 5 арнада телехабар және 4 арнада радиохабар толқындары таратылады.
- Техникалық қызметке арналған үйдің бірінші қабатында телерадио хабар стансасы, байланыс аппараттары мен гидроқызметті қадағалайтын басқару құралдарымен жабдықталған кабинеттер бар. Екінші қабатта мұнараның көру алаңынан қаланы тамашалағысы келетіндерді қабылдап, оларды алаңға жеткізуді ұйымдастырушыларға арналған бөлмелер орналасқан. [1]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9