Алтай Ғабдрахманұлы Қазмағамбетов

Уикипедия — ашық энциклопедиясынан алынған мәлімет
Jump to navigation Jump to search

Алтай Ғабдрахманұлы Қазмағамбетов
Лауазымы
Х.Досмұхамедов атындағы Атырау мемлекеттік университетінің ректоры
2008 — 2011
Ізашары Иманғалиев Асхат
Ізбасары Жаулин Киікбай
Өмірбаяны
Дүниеге келуі 28 тамыз 1964 (1964-08-28) (57 жас)
Мартөк ауылы, Мартөк ауданы, Ақтөбе облысы, Қазақ КСР
Марапаттары
Құрмет ордені

Алтай Ғабдрахманұлы Қазмағамбетов (28 тамыз 1964, Мартөк ауылы, Ақтөбе облысы, Қазақ КСР) — педагогика ғылымдарының докторы (1999), профессор (1997).

Өмірбаяны[өңдеу | қайнарын өңдеу]

Қазмағамбетов Алтай Ғабдрахманұлы 1964 жылдың 28 тамыз айында Ақтөбе облысының Мартөк ауылында дүниеге келген.[1]

Абай атындағы Қазақ педагогикалық институтының жаратылыстану-география факультетінің «География-биология» мамандығы бойынша бітірген. Сондай-ақ педагогика кафедрасының аспирантурасын (1991-1993 жылдары), докторантурасын (1995-1998 жылдары) бітірген.

1989–1990 жылдары еңбек жолын Алматы қаласындағы №65 орта мектепте география пəнi мұғалiмi ретiнде бастаған.

1990-1991 жылдары Абай атындағы Қазақ Ұлттық педагогикалық институтында педагогика кафедрасы оқытушысы. Доцент (1999-2002 жылдары), профессор (2002-2006 жылдары) жұмыстарын атқарған.

2001-2004 жылдары Абай атындағы Қазақ Ұлттық педагогикалық университетінің Д 14.05.01 ғылым докторы ғылыми дәрежесін алу үшін диссертация қорғау кеңесінің ғалым хатшысы, төрағасы болды.

2004-2006 жылдары Қ.А.Яссауи атындағы Халықаралық қазақ-түрік университетінде ғылым және халықаралық байланыстар жөніндегі вице-президент қызметін атқарды.

2006-2007 жылдары Қ.А.Ясауи атындағы Халықаралық қазақ-түрік университеті президенті өкілінің Түрік Республикасындағы (Анкара қаласы) вице-президенті.

2007 - 2008 жылдары ҚР Білім және ғылым министрлігінің білім және ғылым саласындағы қадағалау комитеті төрағасының орынбасары.

2008 - 2011 жылдары Х.Досмұхамедов атындағы Атырау мемлекеттік университеті ректоры қызметтерін атқарды.[2]

Еңбектері[өңдеу | қайнарын өңдеу]

Педагогика ғылымдарының кандидаты (1993), докторы (1999). «Научно педагогические основы формирования системы оценочных притяжений старшеклассников в учебном процессе» тақырыбында докторлық диссертация қорғады.

Көптеген халықаралық, одақтық және республикалық ғылыми конференцияларға қатысып, ғылыми баяндамалар жасаған. 100-ден астам мақалалар, 4 монография мен оқу құралдарының авторы.

Атыраудағы Х.Досмұхамедов атындағы Атырау мемлекеттік университетіне педагогика саласынан ашылған докторлық, кандидаттық диссертация қорғау Кеңесінің 2008-2011 жылдары төрағасы болды. Осы саладан бірнеше докторлық, кандидат шәкірттерін дайындады.

Атырау облыстық мәслихат депутаты болды.

Марапаттары[өңдеу | қайнарын өңдеу]

Ол алдындағы еңбегі ескеріліп бірнеше наградалармен, соның ішінде 2010 жылы «Құрмет белгісі» орденімен марапатталды.[3]

Сілтемелер[өңдеу | қайнарын өңдеу]

  1. Қазақ энциклопедиясы
  2. ҚАЗМАҒАМБЕТОВ АЛТАЙ ҒАБДРАХМАНҰЛЫ
  3. Тәуелсіздік күні атыраулықтарға мемлекеттік наградалар табыс етілді